პარტია “მოქალაქეების” ლიდერი, დეპუტატი ალეკო ელისაშვილი დარწმუნებულია, რომ თვითმმართველობის არჩევნებს თამარ ჟვანია არ ჩაატარებს.
“ძალაში შევა ახალი თავმჯდომარის არჩევის წესი. ჟვანია ულუ და ჟვანია ნარინი ვერ გვეყოლებიან ხო? ახალი თავმჯდომარე უნდა იყოს ორი თავმჯდომარეობა ხომ არ იქნება? კანონს უკუქცევის ძალა არ აქვს, დარწმუნებული ვარ, თამარ ჟვანია თვითმმართველობის არჩევნებს არ ჩაატარებს. არჩევნებს ახალი საარჩევნო რეფორმის შედეგად დაკომპლექტებული ცესკო ჩაატარებს”, – განაცხადა ელისაშვილმა.
შეგახსენებთ, რომ შარლ მიშელის მიერ წარდგენილ დოკუმენტს – „საქართველოს წინსვლის გზა“ პარტიებმა ხელი ოფიციალურად 19 აპრილს მოაწერეს.
პოლიტიკურმა ძალებმა 5-პუნქტიანი შეთანხმების აღსრულებაზე ერთად უნდა იმუშაონ.
კომენტარები