ჟენევის შეხვედრა უშედეგოდ დასრულდა – ხელისუფლება ზაზა გახელაძეს ტყვეობიდან ისევ ვერ იხსნის. მთავრობამ ვერც ჟენევის მოლაპარაკებების 53-ე რაუნდით მიაღწია სასურველ შედეგს. საქართველოს ხელისუფლების მოთხოვნას დაკავებულების უპირობო გათავისუფლებაზე, კრემლს რეაქცია არ აქვს. ერთადერთი იმედი ახლა პატრიარქია, რომელმაც რუსეთის პატრიარქს, კირილს შუამდგომლობის თხოვნით მიმართა და ოკუპირებული რეჟიმის მიერ ტყვედ აყვანილი საქართველოს მოქალაქეების გათავისუფლება სთხოვა.
ზაზა გახელაძის ოჯახი ხელსუფლების არაეფექტურ მუშაობაზე საუბრობს.
“ვფიქრობთ, რომ ერთ-ერთი გადამწყვეტი მაინც არის პატრიარქის წერილი რომლის პასუხსაც ველოდებით და იმედია, დადებითი პასუხი მოგვივა იქიდან და რაღაცას შეძლებს პატრიარქი მაინც, რომ გააკეთოს და შედეგი დადოს. ერთადერთო მოთხოვნაა გატაცების დღიდან დღემდე, ზაზას თავისუფლება. ჩვენ სხვა არეფრი გვინდა. ვფიქრობ, რომ არაეფექტურად მუშაობს, უფრო მეტი შესაძლებლობა აქვს გააკეთოს, – ამბობს გახელაძის მეუღლე.
ოჯახის ახლობლები ამბობენ, რომ თუ ზაზა გახელაძის გათავისუფლება ვერც ამ გზით მოხერხდა, გახელაძეები საპროტესტო აქციებს განაახლებენ.
კომენტარები