ლიზა იასკომ განაცხადა, რომ დედა გახდა. მისი პირველი შვილის მამა კი, ციხეში მყოფი საქართველოს ყოფილი პრეზიდენტი, 55 წლის მიხეილ სააკაშვილია. ამის შესახებ გამოცემა „tabloid.pravda.com.ua“ წერს.
ლიზა იასკომ დედობას მიუძღვნა “მგრძნობიარე პოსტი” “ინსტაგრამზე”, სადაც ისაუბრა ბავშვის უკრაინულ ფესვებზე და მას მამის უკრაინული გაგრძელება უწოდა. იასკოს პოსტში არ დაუკონკრეტებია თუ როდის დაიბადა მისი შვილი, არც სქესი და არც ბავშვის სახელი უხსენებია. პერიოდულად მედიაში ვრცელდებოდა ფოტოები, რაც ლიზა იასკოს ორსულობას ადასტურებდა, თუმცა ამ თემაზე ღიად არცერთი მხარე არ საუბრობდა.
საინფორმაციო პორტალმა ambebi.ge-მ გაავრცელა ინფორმაცია, რომელიც ექსპრეზიდენტის გარემოცვიდან მიაწოდეს, რომ სააკაშვილისა და იასკოს შვილი ერთი წლისაა და მას ჟასმინი ჰქვია.
კომენტარები