“ზელენსკიმ უნდა იცოდეს –კონგრესის წევრების შედეგის განმსაზღვრელი რაოდენობა, ორივე პალატაში, მზად არიან გააკეთონ ყველაფერი, რათა კომუნისტი დიქტატორი პუტინი არ დაჯილდოვდეს უკანონო შემოჭრისთვის” – რესპუბლიკელი კონგრესმენი

X- ზე ამერიკელი კონგრესმენი “რესპუბლიკური პარტიიდან”, ბრაიან ფიტსპატრიკი, წერს:

“პრეზიდენტ ზელენსკის არ სჭირდება და არ უნდა ჰქონდეს თავს მოხვეული ისეთი შეთანხმება გარედან, რომელიც არ უზრუნველყოფს უკრაინელი ხალხის უსაფრთხოებასა და სუვერენიტეტს, ხალხის, ვინც ის აირჩია ხმების 73%-ზე მეტით, არჩევნებში, რომელიც აღიარებულ იქნა ევროპის უსაფრთხოებისა და თანამშრომლობის ორგანიზაციის (ეუთოს) მიერ, სადაც მე ვმსახურობდი. ასეთი არჩევნები რუსეთს არასდროს ჰქონია.

პრეზიდენტმა ზელენსკიმ და ყველა მომლაპარაკებელმა უნდა იცოდეს ეს: არის შეერთებული შტატების კონგრესის წევრების შედეგის განმსაზღვრელი რაოდენობა, ორივე მხრიდან და ორივე პალატაში, რომლებიც მზად არიან, სურთ და შეუძლიათ გააკეთონ ყველაფერი, რათა კომუნისტი დიქტატორი ვლადიმერ პუტინი არ დაჯილდოვდეს უკანონო შემოჭრისთვის, გაუპატიურებისთვის, უკრაინელი ქალებისა და ბავშვების გატაცებისთვის. ჩვენ გამოვიყენებთ ჩვენს ხელთ არსებულ ყველა ბერკეტს და ყველა ხმას, მიუხედავად პირადი თუ პოლიტიკური შედეგებისა. ეს საკითხი მგრძნობიარე და ეგზისტენციალურია. ეს არის მემკვიდრეობის განმსაზღვრელი.

ჩვენ ყველას გვსურს დაუყონებლივ შეწყდეს ეს სასტიკი რუსული შემოჭრა და მკვლელობა. იმისათვის, რომ სამშვიდობო შეთანხმება იყოს სამართლიანი და გრძელვადიანი, ის უნდა გაკეთდეს ისე, რომ პასუხისმგებლობა დაეკისროს რუს დამპყრობლებს, დაიცვას უკრაინელი მსხვერპლის ღირსება და უზრუნველყოს ხარჯების სამართლიანი და თანაბარი განაწილება ევროპის ყველა ერს შორის. სხვაგვარად მოქცევა იქნება მომავალი შემოსევების წახალისება და მომავალი გულისტკივილისა და სისხლისღვრის გაგრძელება.

ეს ეხება მშვიდობას ძალის მეშვეობით. ეს ეხება პატრიოტულ საღ აზროვნებას. და პატრიოტული საღი აზრი არის ის, რასაც ამერიკა ყოველთვის უნდა იცავდეს.”