უკრაინის პრეზიდენტი ვოლოდიმირ ზელენსკი და მისი დიპლომატიური გუნდი გაეროს გენერალური ასამბლეის 81-ე სესიაში მონაწილეობის მისაღებად ნიუ-იორკში ჩავიდნენ, – ინფორმაციას უკრაინული მედია ავრცელებს.
მათივე ინფორმაციით, გენერალური ასამბლეის ფარგლებში რამდენიმე ვოლოდიმირ ზელენსკი რამდენიმე ორმხრივ შეხვედრას გამართავს, მათ შორის საფრანგეთის პრეზიდენტ ემანუელ მაკრონთან და აშშ-ის პრეზიდენტ დონალდ ტრამპთან.
პრეზიდენტის თქმით, ნიუ-იორკში სულ დაახლოებით 20 შეხვედრაა დაგეგმილი. დონალდ ტრამპის გარდა ის ასევე შეხვდება ევროპელ ლიდერებს, ამერიკელ სენატორებსა და აშშ-ის წარმომადგენელთა პალატის წევრებს, საერთაშორისო ორგანიზაციების ხელმძღვანელებს, წამყვანი ამერიკული კომპანიებისა და ანალიტიკური ცენტრების წარმომადგენლებს.
ამასთან, უკრაინის დელეგაციამ ხელმოსაწერად მოამზადა დრონების შესახებ ახალი შეთანხმება.
კომენტარები