„ნაციონალური მოძრაობის“ წევრი, პარლამენტარი ნონა მამულაშვილი სოციალურ ქსელში წერს:
„წელს ვაშინგტონი, სტრასბურგი, ბრიუსელი ერთად შემოვიარეთ. უამრავი შეხვედრა და საუბარი გვქონდა ქვეყნის შიდა და გარე საფრთხეებზე.
ყველა რისკი და შესაძლებლობა შეაფასა მიშამ და გადაწყვიტა, რომ ჩამოსულიყო და ამ საერთო ბრძოლაში უდიდესი წვლილი კიდევ ერთხელ შეეტანა საკუთარი სიცოცხლის რისკის ფასად.
ვნერვიულობდი, მაგრამ სულ მამხნევებდა, გვერდიდან არ მიცილებდა და მეუბნებოდა, რომ ეს ბრძოლა აუცილებლად ერთად უნდა მიგვეყვანა ბოლომდე, რომ ზუსტად ახლა იყო ის გარდამტეხი მომენტი, როდესაც რუსეთის კლანჭებიდან უნდა გვეხსნა ქვეყანა!
როგორც დაგპირდით, ბრძოლას ვაგრძელებთ ბატონო პრეზიდენტო! ძალიან მალე გამარჯვებას ერთად ვიზეიმებთ და კვლავ წავალთ ვაშინგტონში, ბრიუსელში და სტრასბურგში ქვეყნის პროდასავლური გზის გასაგრძელებლად!“- წერს ნონა მამულაშვილი
კომენტარები