ვიცი, რას ნიშნავს სამშობლოს ღალატი, მეუღლის ღალატი, მაგრამ არ ვიცი, რას ნიშნავს პროცესის ღალატი – გიორგი ვაშაძე

გიორგი ვაშაძე, ყოფილი პოლიტიკურ პარტნიორს, თაკო ჩარკვიანს, მედიის საშუალებით პასუხობს:

“მე არ ვიცი, რას ნიშნავს პროცესის ღალატი, მე ვიცი, რას ნიშნავს სამშობლოს ღალატი, მე ვიცი, რას ნიშნავს მეუღლის ღალატი, პირობითად, გულწრფელი ვარ ჩემ სამშობლოსთან და მეუღლესთან მიმართებაში და არც ერთისთვის მიღალატია, არც მეორესთვის, ვაპირებ ბოლომდე შევინახო ჩემი სინდისი.

ყველას ვთხოვ, კარგად წაიკითხონ ეს დოკუმენტი, მითხრან ერთი პრეცედენტი მაინც, როცა საქართველოს ხელისუფლებას პოლიტპატიმრების არსებობაზე აქვს ხელი მოწერილი, მითხრან, რომ ამ დოკუმენტში არ წერია ვადამდელ არჩევნებთან მისასვლელი გზა, მითხრან, როდის ყოფილა, რომ ოპოზიციას, ამხელა წარმომადგენლობა ექნება საარჩევნო კომისიაში?

ყველას შეუძლია თავისi გადაწყვეტილება მიიღოს, მაგრამ საბოლოოდ თამარ ჩარკვიანიც, ვფიქრობ, იქნება პარლამენტში, რადგან,. ნახავს, რომ პროცესი ასე მიდის.”