“ვისთან ერთადაც დაბადების დღეზე იყო, იმათზე თქვა, არ ვიცნობდიო…” – რა უთხრა ბრეგვაძემ პოლიციას?

ჟურნალისტი, ვახო სანაია, სოციალურ ქსელში აქვეყნებს ნაწყვეტს საპატრულო ეკიპაჟის წევრის ჩვენებიდან და წერს:

“პოლიციელის ჩვენებიდან. ეს იმ ეკიპაჟის პოლიციელია, რომელმაც, ჩვენების მიხედვით, იაკობ ბრეგვაძე თბილისში, გუდვილთან ჩამოიყვანა.

პოლიციელი ჰყვება – იაკობ ბრეგვაძემ გვითხრა, რომ საერთოდ არ ვიცნობდი იმ 5 ახალაზრდას, რომელთაც მერსედედის მგზავრებმა სცემესო. ანუ ვისთანაც ერთად ფეხით მოდიოდა, მათ არ ვიცნობდიო, ვისთანაც ერთად დაბადების დღეზე იყო, ერთად წამოვიდნენ, ხიდზე ვიდეოებს იღებდა და ლისზე წასვლას გეგმავდა, მათ არ ვიცნობდიო. უბრალოდ ჩემ წინ მიდიოდნენ და მერე ჩხუბი მოხდაო.”