კოვიდდადებითი პასუხი ტესტის გარეშე – ჟურნალისტი სანდრო ცნობილაძე ამბობს, რომ ჯანდაცვის სამინისტროდან დაურეკეს და უთხრეს, რომ მისი შვილი კოვიდინფიცირებულია და გადაადგილება ეკრძალება. ცნობილაძე აღნიშნავს, რომ მის შვილს ტესტი საერთოდ არ გაუკეთებია.
დამირეკეს ჯანდაცვის სამინისტროდან და მითხრეს, რომ ჩემი შვილი არის კოვიდდადებითი. დამიკავშირდა ჩემი შვილი და მითხრა, რომ არანაირი ტესტი არ აქვს გაკეთებული. ჩემთან დარეკვა რატომ გახდა საჭირო, ვერ მივხვდი. ჩემ შვილთან დარეკვის მცდელობაც არ იყო, იმიტომ რომ გამოტოვებული ზარიც არ აქვს. როგორ შეიძლება მოხვედრილიყო ამ სიაში, ამას ვერ ვხვდები, ვერც იქ ხვდებიან, როდესაც დავუკავშირდი, მითხრეს, ვარკვევთო, – ამბობს სანდრო ცნობილაძე.
ცნობილაძე მოითხოვს განმარტებას, საიდან აქვს ჯანდაცვის სამინისტროს მისი პირადი მონაცემები და რატომ რეკავენ სრულწლოვანი რეკავენ სრულწლოვანი შვილის დიაგნოზის შესახებ მამასთან და არა პირადად პაციენტთან.
წყარო – მთავარი
კომენტარები