ალეკო ელისაშვილი, სოციალურ ქსელში, წერს:
“ვულოცავ ნატალია ილიჩოვას და ივერი მელაშვილის ოჯახის წევრებს და პირადად მათ გათავისუფლებას! ძალიან, ძალიან გახარებული ვარ! საძაგლობაა როდესაც სახელმწიფო ტყუილ უბრალოდ აპატიმრებს ადამიანებს, მაგრამ კარგია რომ ქართული ოცნება გონს მოეგო და ისინი გაათავისუფლა.
სრული პასუხისმგებლობით ვამბობ რომ ეს გათავისუფლება არის მოლაპარაკების შედეგი! დიახაც, მოლაპარაკებამ გამოიღო შედეგი და ეს არის კარგი. ეს არის ნაბიჯი მოლაპარაკების გაგრძელებისთვის და მხარეებს შორის ნდობის აღდგენისთვის! იშვიათად ვყოფილვარ დღევანდელივით გახარებული!“
“ალია” შეგახსენებთ, 10 დეკემბერს ალეკო ელისაშვილი ამბობდა, “პოლიტპატიმრების გათავისუფლება თუ არ მოხდება, ეს იქნება ოპოზიციის სინდისზე”, თუმცა, მაშინ მას არ უთქვამს, რომ თუ მოხდებოდა გათავისუფლება, მის სინდისზე იქნებოდა, მათი გამოშვება.
22 იანვარს კი, ალეკო ელისაშვილმა ისაუბრა ასევე პოლიტპატიმრებზე და თქვა, რომ პოლიტპატიმართა სიაში იყო 5 გვარი, საიდანაც 2 გამოვიდა, რადგან მათი საქმე მძიმეა. მაშინ, ვივარაუდეთ, რომ 2 გვარი, რომელიც სიიდან იქნა ამოღებული იყო მელაშვილის და ილიჩოვის, რადგან, იმავე დღეს, არჩილ თალაკვაძემ თქვა: “დავით გარეჯის თემა პოლიტიკური მოლაპარაკებების პროცესში არ განიხილება!“
კომენტარები