“ვინც მკოიანს აშანტაჟებდა, კანონით აგებს პასუხს” – ამ ქვეყანაში მხოლოდ ფულის გამოძალვაა დასჯადი, ბატონო კახა?

კახი კალაძე “ქართული ოცნების“ ნინოწმინდა-ახალქალაქის მაჟორიტარ დეპუტატ ენზელ მკოიანის სკანდალურ განცხადებას, ეხმაურება:

“თუ რაიმე მსგავსი არსებობს, ამისთვის არსებობს შესაბამისი სამსახურები, უნდა მიმართოს აუცილებლად და მე დარწმუნებული ვარ, ყველა ვინც შანტაჟითაა დაკავებული ან უშუალოდ კრიმინალურ დანაშაულს ჩადის, კანონის წინაშე აგებს ძალიან მკაცრად პასუხს”,- აღნიშნა კალაძემ.

ენზელ მკოიანის ადვოკატის ტარიელ მურმანიშვილის განცხადებით, მკოიანს აშანტაჟებენ, სიცოცხლის მოსპობით ემუქრებიან და მის მიმართ ფულის – 5 მილიონი დოლარის გამოძალვის მცდელობას ჰქონდა ადგილი.

შეგახსენებთ, ცოტა ხნის წინ, კადრები გავრცელდა, როგორ ისვრის ენზელ მკოიანი იარაღას ქუჩაში, თუმცა, მაშინ არავის გაუკეთებია განცხადება რომ მსგავსი ქმედება დასჯადია – როგორც ჩანს, ამ ქვეყანაში, მხოლოდ ფულის გამოძალვაა დასჯადი.

სხვათა შორის, ისიც დასჯადია, მუქარის შესახებ რომ არ შეატყობინებ სამართალდამცველებს და თავად გადაწყვეტ საქმის “გარჩევას”, ბატონო კახა.

ალია