ვინ შეუშალა ხელი ძაძამიას “თანამოქალაქეებზე ზრუნვაში”?

20 წლის ლუკა ძაძამია, რომელიც 2023-2024 წლების აქციების აქტიური მონაწილე იყო, შემდეგ კი მოულოდნელად ქართული ოცნების სიაში მოხვდა, ამტკიცებს, რომ პოსტი საკრებულოში საკუთარი ნებით დატოვა და ამბობს რომ მისი მიზანია თანამოქალაქეებზე ზრუნვა და ამ მიზნისთვის იბრძოლებს სხვა საშუალებებით და პირადი რესურსით. რატომ ვერ მოახერხა საკრებულოდან თანამოქალაქეებზე ზრუნვა და შეუშალა, თუ არა ხელი ვინმემ – უცნობია.

მან, ტვ პირველთან, თქვა:

“სამწუხაროდ, ცალსახა გახდა თქვენი ტელევიზიების ინტერესს არ წარმოადგენს არც ჩვენი დედაქალაქის კეთილდღეობა და არც ჩვენი სამშობლოს უკეთესი მომავალი, იქიდან გამომდინარე, რომ ის ბინძური პიარ კამპანია, რომელიც გუშინ ვნახეთ და ცალმხრივად ორიენტირებული იყო საზოგადოების შეცდომაში შეყვანაში და არსებულ ვითარებასთან დაკავშირებით არასწორი ინფორმაციის მოწოდებაზე. 

რაც შეეხება ჩემ გადაწყვეტილებას- მივიღე გადაწყვეტილება საკრებულოს მანდატის დატოვებასთან დაკავშირებით. ჩემი სწრაფვა და მიზანი ყოველთვის იყო საზოგადოებრივი ინტერესების დაცვა, ამ მიზნის მიღწევისთვსი და განხორციელებისთვის მივიღე აღნიშნული გადაწყვეტილება. ამ პერიოდში ვიყავი არაერთი თავდასხმის ადრესატი, რომლის მთავარი ფუძემდებლები მათ შორის თქვენი მედია საშუალებებიც იყვნენ.  საქმიანობას გავაგრძელებ ახალი სტატუსით ჩემი პირადი რესურსით ვუზრუნველვყოფ ხსენებული მიზნების მიღწევას, რაც გამოიხატება ჩვენი თანამოქალაქეების ზრუნვასა და უკეთესი მომავლის შექმნაში.

დეტალურ ინფორმაციას აღნიშნულთან დაკავშირებით, როცა კონკრეტული ნაბიჯები გადაიდგმება, საზოგადოება შესაბამის ინფორმაციას მიიღებს. მიუხედავად იმის, რომ ადრეულ ასაკში ავიღე უდიდესი პასუხისმგებლობა საკუთარ თავზე, რასაც ბუნებრივია, შემდგომ რადიკალური ჯგუფებისგან მოყვა პიროვნულად ჩემზე და ჩემ ძვირფას ადამიანებს თავდასხმები და მათი დისკრედიტაციის მცდელობები, ჩემი შეხედულებები და პოზიცია არცერთ მხრივ არ შეცვლილა ვრჩები როგორც ჩემი გუნდის, ასევე სამშობლოს ერთგული და მაქსიმალურად, ჩემი პირადი რესურსით ვეცდები, რომ ამ ღირებულებების დაცვის და მათი კეთილდღეობისთვის, ყველა საჭირო ღონისძება განვახორციელო.

ქართული ოცნების მხარდამჭერებმა და დედაქალაქის უდიდესმა ნაწილმა და მე და ჩემ გუნდს უდიდესი ნდობა გამოგვიცხადა, რის შედეგადაც 4 ოქტომბერს უდიდესი გამარჯვება მოვიპოვეთ.

(“ოცნების” მხრიდან წასვლაზე ) არანაირ მინიშნებას არ ჰქონდა ადგილი. ბულინგის მცდელობები იყო, თუმცა ვერ ვიტყვი რომ ბულინგის მსხვერპლი აღმოვჩნდი.

ვისი რეკომენდაციით მოვხდი სიაში, არ მიმაჩნია სწორად ეს ვისაუბრო…”