ქართული ოცნების დეპუტატი, დიტო სამხარაძე:
“ნაცები ყოველთვის კლავდნენ, ადრეც და ახლაც. როდის რითაც შეეძლოთ იმით კლავდნენ. მათ დროს სისტემა კლავდა, ციხეში, ქუჩაში, ყველგან მოკლედ. ახლა სიტყვით ცდილობენ მოკლან ყველა, ვინც მათ ჯაშუშურ ზრახვებს ეწინაარმდეგება!!!
ტურაშვილიც კარგად და ჯანმრთელად უნდა იყოს და ყველა აბსოლუტურად, ან ვინ შეეხო მაგ ადამიანს, რეებს ბოდავთ!!!
მოკლედ, ყველას ჯანმრთელობას ვუსურვებ, მაგრამ აქეთ ნუ ატრიალებთ, რასაც თქვენ თვითონ აკეთებთ!!!
ამერიკული რუსული რომ გახადეთ და ამ მართლა საუკუნის აფიორით ოჯახების დაბულინგებას რომ ცდილობდით, ფაშისტებივით წიგნების დაწვაზე და ლექტორების დევნაზე რომ გადახვედით, ბავშვებს რომ აბულინგებთ მშობლების პოლიტიკოსობის გამო და კატასტოფა რომ ჭირთ ამ ბავშვებს, მაშინ რატომ არ გახსოვთ სიტყვის ძალა??
ვის ელაპარაკებით მკვლელობაზე, როგორ ბედავთ მკვლელობაზე ლაპარაკს სულ რომ ერთი ნაციონალი გყავდეთ ირგვლივ??”
ცნობისთვის, დათო ტურაშვილი რუსული კამონის კრიტიკის გამო, არაერთი დღეა ლანძღვის და ბულინგის ობიექტია.
შეგახსენებთ, რას პასუხობდა დათო ტურაშვილი დეპუტატ მიხეილ ყაველაშვილს:
“გუშინ პირადად მომიხსენია დეპუტატმა მიხეილ ყაველაშვილმა. ჩემთვის ყველაზე მარტივია ბოდიშის მოხდა. ოღონდ თავი დამნაშავედ ვიგრძნო, ვგიჟდები ბოდიშის მოხდაზე. სიმართლე გითხრათ, ვერ მივხვდი, მიხეილ ყაველაშვილმა რატომ მახსენა, მე ის არასდროს მიხსენებია ბევრი ფაქტორის გამო. მით უფრო, ამ კანონპროექტთან დაკავშირებით არ მიხსენებია, იმიტომ, რომ საერთოდ არ მქონდა ეჭვი, რომ ეს კანონპროექტი მისი ინიციატივა იყო. არ ვიცი, რა უნდა გაეკეთებინა, რომ მე ის მეხსენებინა.
მე ვიცი, სიტყვა რა არის. მე იმ დონეზე მიყვარს მისი ოჯახის წევრები, რომ მათ ვერ ვაკადრებდი, რომ ოდესმე მეხსენებინა, მაგრამ მან იკადრა ეს და ისეთი შეურაცხყოფა მომაყენა, როგორიც ალბათ არავის არ მოუყენებია. როგორც თქვა კარგად მიცნობს, მაგრამ აშკარაა, კარგად არ მიცნობს. კარგად რომ მიცნობდეს, ეცოდინებოდა, რომ ჩემი პატრონი მარტო მე ვარ ამ სამყაროში და თავისუფლება ზუსტად მაგას ნიშნავს. ამბობს, ფორმულაში რატომ დადის, რომლის პატრონი კეზერაშვილიაო, სინამდვილეში მე არც ხელფასს ვიღებ და არც ხელშეკრულება მაქვს. დავდივარ არა იმიტომ, რომ კეზერაშვილი მომწონს. დავდივარ იმიტომ, რომ მაქვს შესაძლებლობა, იმაზე ვილაპარაკო, რაც ყველაზე მეტად მიყვარს და რაც ყველაზე აუცილებელი მგონია, ესაა წიგნები და განათლება. ამის გამო „ფორმულაში“ კი არა, ნებისმიერ ტელევიზიაში მივალ. მე კეზერაშვილი პირდაპირ ეთერში გამიკრიტიკებია, დერეფნებში რომ გამილანძღავს, ეს ცალკე თემაა“,
კომენტარები