ეკონომიკის მინისტრის ყოფილი მოადგილე, რომეო მიქაუტაძე მოსამართლე ნინო გალუსტაშვილმა კვლავ პატიმრობაში დატოვა. დღევანდელ პროცესზე აღკვეთი ღონისძიება გადაისინჯა, ასევე დაცვის მხარემ უდავოდ გახადა ბრალდების მხარის 6 მოწმის ჩვენება, რომელებიც სხდომაზე იკითხებოდნენ.
რომეო მიქაუტაძემ მოსამართლეს უთხრა:
რაც შეეხება მიმალვას ჯერ კიდევ საქმე საერთოდ არ იყო აღძრული, როდესავ მითხრეს თავი შემეკავებინა ქვეყნიდან გასვლაზე, ჩემი მხრიდან ეს დაცული იქნა, ჩემი მშობლების შემთხვევაშიც. რაც შეეხება დანაშაულის გამეორების საკითხს, გამეორება ნიშნავს იმას, რომ მედავენიან უფლებამოსილების გადამეტებას, ესეიგი ვიღაც კიდევ სადღაც მნიშნავს რომ კიდევ გადავამეტო? ანუ კიდევ უნდა გავიმეორო ის დანაშაული ? არავითარი გამეორების რისკი არ არსებობს, არავინ არსად დამნიშნავს. ვეთანხმები ჩემს ადვოკატებს რომ მოწმეები, ვინც მოვიდნენ, არავის უთქვამს რომ ზემოქმედება იყო ჩემი მხრიდან, თუ გავითავლისწინებთ ჩემს პიროვნებასაც – 24 წელი ჩემს ქვეყანას ვემსახურე ღირსების ორდენოსანი ვარ, იმ აზროვნებაში ვარ გაზრილი პოლიციაში გვერდით თუ გამივლია, მხოლოდ სახელმწიფო მნიშვნელობის საქმეებზე, ჩემი სამსახურებრივი კარიერაც უშიშროებაში დაიწყო, არაა ეს სამართალდამცავი ორგანოები ჩემგან და ჩემი ოჯახისგან შორს, ყველა ადამიანის ვალდებულებაა, რომ იყოს კანონმორჩილი მოქალაქე, ამ ყველა არგუმენტის მიხედვით იმედია სწორი გადაწყვეტილება იქნება მიღებული”, – განაცხადა რომეო მიქაუტაძემ.
მომდევნო სასამართლო პროცესი მოსამართლე გალუსტაშვილმა 28 იანვარს 14:00 საათზე ჩანიშნა.
ცნობისთვის, ეკონომიკის მინისტრის ყოფილი მოადგილე სახელმწიფო უსაფრთხოების სამსახურმა 2025 წლის ივნისში დააკავა. გამოძიება სისხლის სამართლის კოდექსის 194-ე მუხლის მე-3 ნაწილის “გ” ქვეპუნქტითა და 332-ე მუხლის მეორე ნაწილით მიმდინარეობს, რაც სასჯელის სახით 9-დან 12 წლამდე პატიმრობას ითვალისწინებს.
კომენტარები