თბილისის ინფექციური საავადმყოფოს დირექტორმა, თენგიზ ცერცვაძემ ტვ პირველის ეთერში საგანგებო განცხადებით მიმართა მათ, ვინც გადაიტანა კორონავირუსი.
„ვინც გადაიტანა კოვიდი, გთხოვთ გამოიჩინეთ კეთილშობილება და მობრძანდით იმ დაწესებულებაში სადაც მკურნალობდით, ჩააბარეთ სისხლი, რათა თქვენი სისხლით გადავარჩინოთ სხვა ავადმყოფები“,- განაცხადა თენგიზ ცერცვაძემ.
თენგიზ ცერცვაძე ამ მეთოდზე კარგა ხანია საუბრობს, ის ჯერ კიდევ თვეების წინ ამბობდა:
“ჩვენ ვმუშაობთ პლაზმით მკურნალობაზე. ეს არ არის მარტივი. სათქმელად არის ადვილი გამოჯანმრთელებული ადამიანის პლაზმა გადაესხას ავადმყოფს, თუმცა, ეს სინამდვილეში ძალიან რთული პროცესია.
დონორი უნდა იყოს შესაფერისი, მას უნდა ჰქონდეს დამცავი ანტისხეულები შრატში, წინააღმდეგ შემთხვევაში გადასხმას აზრი არ ექნება, თუ არ შეიცავს საკმაოდ მაღალი კონცენტრაციით დამცავ ანტისხეულებს. ეს უნდა მომზადდეს, ყველანაირად, უნდა გაისინჯოს პლაზმა”
კომენტარები