“მთავარი არხის” დირექტორმა ნიკა გვარამიამ პირდაპირ ეთერში პერანგი სანახევროდ გაიხადა და ნემსი გაიკეთა.
მან ისაუბრა შაკიკზე, რომლის გამოც გამაყუჩებლების გაკეთება სჭირდება და ისაუბრა ასევე ვაქცინის მნიშვნელობაზე.
აღნიშნა, რომ დაუჯერებელია, როგორ შეიძლება ასეთ დროს, ადამიანები საუბრობდნენ ნემსის გაკეთების შიშზე და აღნიშნა, რომ ვაქცინა, ამაზე ბევრად უფრო პატარა ნემსით კეთდება.
თქვა, რომ ვაქცინაცია პირდაპირ კავშირშია სიცოცხლესთან და ადამიანებს მოუწოდა აიცრან, თუ სურთ საკუთარი სიცოცხლის, ოჯახის წევრების და ქვეყნის გადარჩენა.
„სამწუხაროდ, ფაიზერი არ მომცეს, თორემ გავიკეთებდი თქვენს თვალწინ და ნახავდით, რომ არაფერი მომივიდოდა. ორი ვაქცინა მაქვს გაკეთებული და იცოდეთ, რომ არაფერი მომსვლია“, – ამბობს გვარამია.
კომენტარები