პოლიტოლოგი, ლევან ლორთქიფანიძე, სოციალურ ქსელში, აქვეყნებს ვიდეოს და წერს:
“რა უცნაური ქვეყანა ვართ! ზოგიერთი რაიონი მხოლოდ იმ შემთხვევაში გვახსენდება, თუ იქ რაიმე კატასტროფა მოხდება.
შარშანწინ ბაღდათში მთელი ოჯახი რომ ამოიბუგა, მას შემდეგ ეს ქალაქი ვინმეს სადმე უხსენებია?
თუ ზვავმა და მეწყერმა არ წაიღო აღმოსავლეთ საქართველოს მაღალმთიანეთი, მანამდე ვინმე ხმას ამოიღებს ამ რეგიონზე?
ჩოხატაურის შესახებ ცენტრალურ მედიაში ვინმეს რაიმე უთქვამს, სანამ ბუკნარში რელიგიურ ნიადაგზე დაპირისპირება არ მოხდა?!
რა ხდება ბუკნარში?
არა მგონია, რომ საქმე გვქონდეს მხოლოდ ქრისტიანების მიერ მუსლიმთა სალოცავის მოწყობის წინააღმდეგ გამოხატულ პროტესტთან გვქონდეს.
არც მხოლოდ ნაციონალების მიერ მოწყობილ პროვოკაციას შეეძლო ამგვარი აჟიოტაჟის წარმოქმნა.
ვიმეორებ, მთელი პრობლემა არის მინიმალურ სახელმწიფოში, რომელსაც არ აქვს გამოკვეთილი, მკაფიო პოლიტიკა რელიგიის საკითხებთან დაკავშირებით.
შესაბამისად, რელიგიის პოლიტიკას საქართველოში აწარმოებენ ყველა რჯულის ექსტრემისტები, კრიმინალები, რომლებიც შეთანხმების, მორიგების, მშვიდობიანი თანაცხოვრების ყველანაირ რესურსს ანადგურებენ და მხოლოდ კონფლიქტზე არიან ორიენტირებულნი, ხელს უწყობენ რადიკალიზაციას.
რა შესანიშნავი კაცია! უდიდეს პატივისცემასა და მოკრძალებას იმსახურებს! მაგრამ არავინ არაფრად აგდებს!”
აქვე შეგახსენებთ იმასაც, რომ კონფლიქტი ბუკნარში დღეს შერიგებით დასრულდა.
კომენტარები