ვიდეო – “ქართველი პარტიზანები მონაწილეობდნენ ხერსონში პირველ, 10–კილომეტრიან გარღვევაში… ახლა რუსები ყირიმს უფრო იცავენ” – ვანო ნადირაძე” –

უკრაინაში მყოფი ქართველი მებრძოლი, ვანო ნადირაძე, ტელეკომპანია “ფორმულასთან” ამბობს:

“გუშინ გამთენიისას დაიწყო კონტრშეტევა. 10 კილომეტრიანი გარღვევა მოხდა ანდრეევკა-ლაზავოის მიმართულებით და დაკავებული იქნა სოფელი “სუხოი სტავოკი”, რომელიც ძალიან მნიშვნელოვანია იმიტომ, რომ წვდომა იყო და არის საარტილერიო დარტყმის. რაც შეეხება ხიდებს, ანტონოვსკის საავტომობილო ხიდი, სარკინიგზო ხიდი, ნოვოკახოვკის და დანიევსკის ხიდები განადგურებულია, ფაქტობრივად, არამც თუ მომარაგება, რუსებს უკან დასახევი და გასაქცევიც არააქვთ.

გამოვარჩევდი ქართველ პარტიზანებს, 57–ე ბატალიონში, რომლებიც იმ მიმართულებით არიან, სადაც 10 კილომეტრიანი გარღვევა მოხდა, ნიკოლაევიდან რომ მიდის შეტევები, იქაც მონაწილეობენ. ქართველმა პარტიზანებმა მიიღეს მონაწილეობა პირველი რიგის გარღვევაში.

უკვე ხერსონს კი არა, ყირიმს უფრო იცავენ, ყირიმის დაკარგვის საშიშროება დადგა უკვე.”

http://