პრემიერმა გახარიამ ბათუმში, მეზღვაურის საერთაშორისო დღისადმი მიძღვნილი ღონისძიების დასრულების შემდეგ, ჟურნალისტებთან კომენტარი გააკეთა, თუმცა, კახა კალაძესთან დაკავშირებულ კითხვაზე მას არ სურდა პასუხის გაცემა და უკან დადევნებული ჟურნალისტები, დატუქსა:
“ხალხნო, არ გრცხვენიათ?!
მოდით, გეტყვით, რა ამოძრავებს კახი კალაძეს… ჩვენ ხომ არჩევნები გველოდება წინ, რაღაც ეთიკაზე, ქცევაზე უნდა შევთანხმდეთ. არ შეიძლება ასე. დავალებების მიღება ჟურნალისტებისთვის აი იქიდან…მე ხომ მედიასთან ურთიერთობის პრობლემა არასდროს მქონია. აი, ეს გამოკიდება ახლა რა არის? ან თუ გვაქვს რაღაც შეკითხვები, მითხარით რაღაც ნორმალურად, ეს ყვირილი, წივილი, ნერვებს გაუფრთხილდით…
მედია გარემო და მედია სივრცე გახდა ტოქსიკური…
რაც შეეხება კალაძეს რა ამოქმედებს:
სქემა გახდა ასეთი – ტყუილი, ამ ტყუილზე აგებული პროპაგანდა და შემდეგ საზოგადოების აზრით მანიპულირება…”
კომენტარები