„ქართულმა ოცნებამ“ ქარელში მომხდარი ინციდენტის შემდეგ გადაღებული ვიდეომასალა გაავრცელა. პარტიის ოფისში გამართულ ბრიფინგზე კადრები მამუკა მდინარაძემ წარადგინა. მისი თქმით, კადრებში ჩანს, რომ ინციდენტის შემდეგ ოპერატორი უგონოდ არ იმყოფება.
კითხვას აქვს თუ არა ეს კადრები პოლიციას, მდინარაძე პასუხობს:
“მე არ ვიცი, პოლიციას თავისი საქმე აქვს, იმედია, ამოიღებენ ამ კადრებს და სხვა კამერებიც არის იქ, ეს არის ის კამერა, რომელიც ჩვენი შტაბის წინაა დამონტაჟებული და აქედან მოხვდა ჩვენ ხელში. პოლიციამ ამოიღო, თუ არა, წარმოდგენა არ მაქვს, ამაზე პოლიცია გაგცემთ პასუხს.”
კითხვას, ხომ არ არის ეს კადრები შემთხვევამდე გადაღებული, მდინარაძე პასუხობს:
“მოდი, მე გავრისკავ და ვიტყვი, ბრჭყალებში, რა თქმა უნდა, ვიცი, რომ არ ვრისკავ, პასუხისმგებლობას ავიღებ ნებისმიერი ფორმით, რომ ეს კადრები არის გადაღებული შემთხვევის შემდეგ.
როცა ამ კადრებს ამოიღებს პოლიცია და ჩემი საქმე არ არის, ვის დაკითხავს და ვის არა, გარანტიას გაძლევთ, რომ დადასტურდება, ეს კადრები არის შემთხვევის შემდგომ გადაღებული.”
კითხვას, სად არის დაპირებული, ოპერატორის ვარდნის კადრი, მდინარაძე პასუხობს:
“ეს არის ტყუილი, მე არ მითქვამს, რომ ვარდნის კადრი გვაქვს.”
კომენტარები