(ვიდეო) – “ოცნების “ტიტუშკებმა” ოჯახის სარჩო გადამიწვეს” – რეპრესიების კიდევ ერთი მსხვერპლი, აქტივისტი, დენის პაქსაშვილი

ამ და სხვა დეტალებზე “ალიას” დენის პაქსაშვილს ესაუბრა და თქვა:

“ამა წლის ზაფხულში სახლთან დამხვდნენ და თავის არეში ჩამარტყეს. დაყვირება მოვასწარი, რათა მეზობლები მომშველებოდნენ. მოვითხოვე პოლიციის მხრიდან საგამოძიებო მოქმედებების დაწყება, მაგრამ რა თქმა უნდა, არაფერი გამოიძიეს.

პოლიციის პასუხი იყო, რომ უფრო მნიშვნელოვანი საქმეებით იყვნენ დაკავებულები და რაც დავიმსახურე, ის მივიღე.

დიდი ზეწოლის ქვეშ არის ჩემი ოჯახიც. ეს უკვე დევნა არაა, ტერორია, რუსული ტერორი. ქვეყანაში გამყარდა რუსული რეჟიმი, რასაც მთელი ჩემი შეგნებული ცხოვრება ვეწინააღმდეგებოდი. ამიტომ მინდოდა წინა ხელისუფლების კურსის გაგრძელება და საქართველოს ხილვა ევროპულ ოჯახში.

აღარც საჯარო სამსახურში ვმუშაობ. ხელმძღვანელმა დაუფარავად მითხრა, რომ დაკავებული პოზიციიდან უნდა წავსულიყავი ჩემი პოლიტიკური საქმიანობის გამო. მოგეხსენებათ, მემანქანედ ვმუშაობდი სატრანსპორტო სამსახურში. არც ეს მაკმარეს და შემდგომი რეალიზაციის მიზნით, ჩემს მიერ ნაყიდი მეორადი ავტომობილები დამიწვეს და გამიცამტვერეს.

ეს ჩემი ოჯახის ერთადერთი სარჩო უნდა ყოფილიყო. ჩვენი ხელისუფლება ყველაფერს აკეთებს, რომ სიტყვა “დასავლეთი” ხალხში შიშს იწვევდეს და ამიტომაც სამაგლითოდ ვიდევნებით.

მყავს მეუღლე და შვილები, როგორ უნდა ვიცხოვრო ამ პირობებში არ ვიცი. დიდი რისკის ქვეშ არის ჩემი ოჯახის უსაფრთხოებაც. მიჭირს თქმა, რა უნდა ვქნათ, ან როგორ.

უმძიმეს პირობებში ვართ ყველა, ვინც დასავლურ ღირებულებებს ვიზიარებთ და საქართველოს მომავალს ევროატლანტიკურ ალიანსში ვხედავთ.

მე საქართველოს დამოუკიდებლობის იდეას ვერ გავემიჯნები და რუსულ ორბიტაზე ვერ “ვიქადაგებ”. ჩემგან მოღალატე არ გამოვა. ამ იდეას ერთგულად ვემსახურები წინა ხელისუფლების დროიდან დღემდე და სწორედ ვიმყოფები უკიდურესი ტერორის ქვეშ.”