საქართველოს საზოგადოებრივ საქმეთა ინსტიტუტის (GIPA) პროფესორი, გიორგი კობერიძე:
ისრაელის მხრიდან შეტევის ახალი ტალღა დაიწყო: იბომბება ირანული ქალაქი შირაზის სიახლოვეს არსებული იარაღის საწყობი. აფეთქებებია თავრიზის აეროპორტის ტერიტორიასა და მის მომიჯნავედ. ეს უკანასკნელი ჩრდილოეთ ირანში მდებარეობს, სომხეთისა და აზერბაიჯანის საზღვრის სიახლოვეს, 85 კილომეტრში მდებარეობს.
ირანს დაახლოებით 3000 ბალისტიკური რაკეტა ჰქონდა დღემდე. აქედან 2000-ს შეეძლო ისრაელამდე მიღწევა. აღნიშნული იერიშების შემდეგ რამდენი დარჩება არაა ცნობილი, მით უფრო რომ ისრაელი განაგრძობს ობიექტებზე იერიშს ხოლო ირანი სამხედრო შოკიდან ჯერ არ გამოსულა, ხოლო ჰაერსაწინააღმდეგო სისტემების, ანუ საჰაერო ფარის დიდი ნაწილი განადგურებულია, რაც ისრაელს ავიაციას მოქმედების თავისუფლებას აძლევს.ამასთან, საინტერესო ისაა, რომ ირანის საყრდენი ლიბანში, ტერორისტული ორგანიზაცია ჰეზბოლა იმაზე მეტადაა დასუსტებული, ვიდრე ერთი შეხედვით ჩანს, რის გამოც ისინი საბრძოლო მოქმედებებში ჩართვას ამ ეტაპზე არ აანონსებენ, თუმცა ცხადია ირანიდან ზეწოლა მათზე გაგრძელდება.იემენში ბაზირებული პრო-ირანული ჰუსიტების წინააღმდეგ კი ბოლო ორ თვეში ისეთი იერიშები იქნა მიტანილი აშშ-სა და ისრაელის მხრიდან, რომ მათი შესაძლებლობა მინიმუმამდეა დასული. რეალურად, ირანი ახლა იმაზე ბევრად სუსტ პოზიციაშია, ვიდრე ბოლო წლების განმავლობაში ოდესმე ყოფილა.ცხადია, ირანი შოკიდან ნელ-ნელა გამოვა და პასუხსაც შეეცდება, მაგრამ ამასობაში ისრაელის მხრიდან დამდგარი ზარალი იმგვარი შეიძლება იყოს, რომ ირანული სამხედრო პოტენციალი მკვეთრად გახლდეთ დაქვეითებული. ხოლო რეჟიმის მდგომარეობა საკმაოდ დამძიმდება. მილიარდები დახარჯა ირანმა იმ შეიარაღებაზე, ბირთვულ პროგრამასა და მეცნიერთა სკოლის შექმნაზე, რომლის მნიშვნელოვან ნაწილსაც ასეთი მძიმე და სწრაფი დარტყმა მიადგა.
პრეზიდენტმა ტრამპა დაწერა, რომ ირანს ბევრი შანსი ჰქონდა მოლაპარაკებებისათვის მაგრამ ირანმა ეს შანსი გაუშვა ხელიდანო. დათანხმდით მოლაპარაკებაზე, სანამ სრულიად გვიან არ იყოო.
კომენტარები