წერილი, რომელიც ოპოზიციურ ჩათში ნიკა მელიასთან შეხვედრიდან გამოსულმა ადვოკატმა დაწერა, რა უთხრა ადვოკატს “ენმ”-ის ლიდერმა, რა დააბარა და როგორ გრძნობს თავს? – წერილი დავით ჭიჭინაძემ ინგა გრიგოლიას პირდაპირ ეთერში გადასცა და ინგამ ის ასევე პირდაპირ ეთერში წაიკითხა.
“მოგესალმებით, ვიყავი ნიკა მელიასთან, ახლა დავბრუნდი რუსთავის ციხიდან, მითხრა, რომ ასე დამცირებულად, რაც ციხეშია, არასოდს უგრძვნია თავი, უკიდურესად შეურაცხყოფილად, დაღალატებულად, მოტყუებულად, გადაგდებულად გრძნობს თავს. გაყიდულად თვლის თავს, რადგან ხელი ისე მოეწერა, არავინ გააგებინა.
მიიჩნევს რომ ხელმომწერების მხრიდან პრინციპული პოზიციის დაკავების შემთხვევაში გირაოს გარეშე მისი გამოსვლა შესაძლებელი იქნებოდა. ამბობს, გამოსვლა რომ სდომებოდა, თავადაც გამოვიდოდა ამ პირობებით. თვლის, რომ კატეგორულად მიუღებელი და დამამცირებელია მისთვის გირაოს გადახდა, ვინც არ უნდა იყოს გადამხდელი, ევროკავშირმა კი არა, ჯო ბაიდენმა რომ გადაიხადოს, მისთვის თავად გადახდის ფაქტია მიუღებელი.
ამბობს, რომ არავინ გაითვალისწინა საამართლო სხდომაზე მისი მოწოდება, რომ მისი თავისუფლებით არავის ევაჭრა. მიიჩნევს რომ ხელმომწერებმა თავისი “გაინაღდეს” და ახლა უნდათ მისი რეპუტაციაც დააზიანონ!
ცხელი კარტოფილის ხელში შეჩეჩებად მიიჩნევს გუშინდელ შედეგს. მიიჩნევს, რომ რაც ამ ბრძოლას ერქვა, “გირაოს არ გადახდა” სწორედ ეს იქნა დავიწყებული ხელმომწერების მხრიდან.
მითხრა, გამხმარი ჯოხივით გადამტეხეს, ვითომ არც ვარსებობდე და ჩემთან შეთანხმების გარეშე, ჩემით ივაჭრესო, მითხრა, რომ გუშინდელი და დღევანდელი დღე მისთვის ყველაზე მძიმეა, რაც ციხეშია.” – წერს ნიკა მელიას ადვოკატი ოპოზიციურ ჩათში, მას შემდეგ, რაც “ენმ”-ის ლიდერი ციხეში მოინახულა.
კომენტარები