National Geographic საქართველოს ახალი სპეციალური გამოცემა ჩვენს ოთხფეხა მეგობრებს ეძღვნება — როგორ მოიშინაურა ადამიანმა ველური მტაცებელი, როგორ ჩამოყალიბდა ძაღლების უთვალავი ჯიში და რას ამბობს მეცნიერება მათ გონებაზე, ქცევასა და ადამიანთან განსაკუთრებულ კავშირზე.
ქართული National Geographic – ის გამოცემიდან 14 წელი შესრულდა. მსოფლიოს ახალი აღმოჩენები, სამეცნიერო კვლევები, საბუნებისმეტყველო, ისტორიული, სოციალური და ეკონომიკური მეცნიერებები თუ ტექნოლოგიური მიღწევები ერთ გამოცემაში იყრის თავს და ის ქართულ ენაზეა ხელმისაწვდომი 2012 წლიდან. ამ პერიოდის განმავლობაში, კომპანია სილქნეტის უწყვეტი სპონორობით, ჟურნალი თავაზობდა ერთგულ მკითხველს მრავალფეროვან თემატიკას. მეცნიერებით, ფოტოგრაფიით დაინტერესებულ საზოგადოებას წვდომა ჰქონდა მსოფლიოში მიმდინარე კვლევებზე, აკადემიურ ცოდნაზე დაფუძნებულ უახლეს საავტორო სტატიებზე.
2026 წლიდანსილქნეტი აგრძელებს ყველასათვის ცნობილი ჟურნალის მხარდაჭერას. ამიერიდან ყოველი გამოცემა განსხვავებული ფორმატით და პერიოდულობით, ერთ კონკრეტულ თემას მიეძღვნება.
National Geographic საქართველოს ახალი სპეციალური ნომერი „ძაღლების საიდუმლო ცხოვრებაზე“ გვიყვება. მკითხველი უძველეს და უახლოეს ოთხფეხა მეგობარზე უამრავ სიახლეს შეიტყობს. ვრცელი სტატიები აღწერს როგორ იქცა ძაღლი ველური მტაცებლიდან შინაურ ბინადარად; რა არის ცნობილი სელექციასა და სხვადასხვა ჯიშის განსაკუთრებულ თვისებებზე; რა ცოდნა დააგროვა მეცნიერებამ ძაღლის გონებისა და ქცევის შესახებ; ამ გამოცემით საზოგადოება უფრო ახლოს გაეცნობა საქართველოში გავრცელებულ ძაღლის გამორჩეულ ჯიშებს.
თითოეული მასალა უხვად ილუსტრირებულია და სამეცნიერო ფაქტებს ეყრდნობა.
დაინტერესებული მკითხველი National Geographic საქართველოს შეიძენს პრესის გამავრცელებელ ჯიხურებში, მაღაზია “ბიბლუსის” ქსელში; “ბაკურ სულაკაურის გამომცემლობის” მაღაზიებში; ხოლო ჟურნალის რედაქციასა და სილქნეტის მომსახურების ცენტრებში – პირველი რესპუბლიკის მოედანი #1; ცინცაძის #2; ყაზბეგის #14 – გამოცემა ხელმისაწვდომია სპეციალურ ფასად.
(R)
კომენტარები