შაბათის ფორმულას წყაროს ინფორმაციით, ჩხოროწყუს მუნიციპალიტეტის, სოფელ ზუმის ეკლესიის წინამძღვარი, სოფლის ცენტრში თავს დაესხნენ.
წყაროს ინფორმაციით, ნასვამ მდგომარეობაში მყოფი სოფელ ზუმის მცხოვრები სასულიერო პირს, ჯერ ავტომობილით დაეჯახა, ამის შემდგომ მანქანიდან გადმოათრია და ფიზიკურად გაუსწორდა. მღვდელ მიქაელ ლაგვილავას ფიზიკურად მისი მრევლის ერთ-ერთი წევრის ქმარი დაესხა თავს.
ანგარიშსწორების მიზეზი აღსარება გახდა. თავდამსხმელი მღვდელს, მისი ცოლის აღსარების საიდუმლოს გათქმაში ადანაშაულებდა.
შაბათის ფორმულას უყვებიან, საქმეში პოლიცია არ ჩარეულა, თუმცა ჩაერივნენ ე.წ. ავტორიტეტები, მაგრამ სასულიერო პირის დაჟინებული მოთხოვნის შედეგად, ინციდენტი ბოდიშის მოხდით ამოიწურა.
“ჯერ მანქანით დაარტყა, მერე მანქანიდან გადმოათრია და ცემდა… დასისხლიანებული იყო…” – ყველა ადგილობრივი მაცხოვრებელი.
“ვინ გითხრათ ეგ ინფორმაცია? მე საპატრიარქოდან მაქვს კურთხევა, მით უმეტეს თქვენი არხი… რომ თუ სურვილი არ მაქვს, არ მოგცეთ ინტერვიუ…” – ამბობს სასულიერო პირი მედიასთან.
კომენტარები