ლეიბოლისტური პარტიის ლიდერი, ლაშა ჩხარტიშვილი, აქვეყნებს ვიდეოს, მერიის მუნიციპალური თავშესაფრიდან, სადაც ამბობს:
“მომაკვდავი ძაღლი… ეს თუ სასაკლაო არ არის… ძაღლი კვდება და არც ვეტერინარი ეკარება და არავინ… ექსკრემენტებშია… ეს არის კალაძის ძაღლების სასაკლაო თავშესაფარი, მეგობრებო. ნახეთ, კიდევ ერთი ცხოველი, რა მდგომარეობაშია.”
ვიდეოში ჩანს, როგორ ითხოვს პოლიცია, დატოვონ თავშესაფარი, ლაშა ჩხარტიშვილი კი პოლიციელს სთხოვს, დაუძახონ ვეტერინარს და აღიძრას საქმე ცხოველთა წამებაში.
ჩხარტიშვილი კიდევ რამდენიმე ვიდეოს აქვეყნებს, სადაც ამბობს, რომ ადამიანებმა, საკუთარი უბნებიდან გატაცებული, გასტელირებული და აცრილი ძაღლები, რომლებსაც ეს დღეებია ეძებდნენ, თავშესაფარში აღმოაჩინეს. იგი ამბობს, რომ ზოგი ძაღლის გამოყვანა მოხერხდა.
“ბევრმა იცნო საკუთარი ძაღლი, რომელიც მოსტაცეს და უმალავდნენ. ამ ძაღლის გამოყვანა მოხერხდა როგორღაც. ხედავთ როგორი შეშინებულია დ(ვა ცუდადაა. ვნახეთ მომაკვდავი ძაღლი, ანტისანიტარია, ფეხმოტეხილი ძაღლი მკურნალობის გარეშე. ეს არის სასაკლაო, ეს არის სისხლის სამართლის დანაშაული – მასობრივი წამება ცხოველისა ამ ქვეყანაშიც კი ისჯება და კალაძეა ამ ქალაქში პირველი დამნაშავე. ამიტომ, 4–ში, 3 საათზე, გელოდებით კანცელარიასთან”– ამბობს ის.
კომენტარები