“მთავარმა არხი” აქვეყნებს ვიდეომასალას, სადაც ჩანს, როგორ მისდევს ავტომობილი დმანისის ყოფილი მერის მანქანას და უხსნის ცეცხლს. მერსედესის მარკის ავტომანქანიდან გიორგი ტატუაშვილის მაქანას რამდენჯერმე ესროლეს, დაუჭრეს საბურავები, რის შემდეგაც თავდამსხმელების მანქანა მიმალვას ახერხებს. კადრები ტატუაშვილის მანქანაში დამონტაჟებულმა ვიდეორეგისტრატორმა დააფიქსირა.
თავდასხმა გზის ყველაზე სახიფათო მონაკვეთზე ხდება, რა დროსაც შესაძლებელი იყო ტატუაშვილის ხევში გადაჩეხვაც. ყოფილი მერს, ერთ-ერთი ტყვია რამდენიმე სანტიმეტრით ასცდა.
ტატუაშვილი თავდასხმის შემსრულებლებად ზურაბ ოკმელაშვილსა და კობა მენაბდიშვილს ასახელებს, რომელიც მმართველი პარტიის სახელით წინასაარჩევნოდაც ატერორებდნენ ადგილობრივ მოსახლეობასა და ოპოზიციას.
“ეს არის 2020- 2021 წლის საარჩევნო კამპანიების პროცესში არსებული ძალადობის გაგრძელება. მონაწილე პირები არიან ერთი და იგივე პირები. ორგანიზატორი ალბათ სუს-ი და “ქართული ოცნების” წარმომადგენლები არიან და ესენი არიან ამსრულებლები, რომლებიც 2020, 2021 და 2023 წელსაც ახორციელებენ ძლიერ ოპოზიციურ ფლანგზე და გამოდის, რომ ერთი წლით ადრე დაიწყეს საარჩევნო პროცესი იმიტომ, რომ ალბათ ფიქრობენ, რომ ძალიან არ იყვიროს იმ ძალადობამ, რომელიც 2024 წლის საპარლამენტო არჩევნებს ექნება ფონად” ამბობს გიორგი ტატუაშვილი.
ვიდეოკადრების მიხედვით, ადგილზე გამოძახებულმა პოლიციამ თავდამსხმელებს გზა გადაუღობეს, თუმცა, ვერ შეაკავეს და თავდამსხმელებმა პირიქით, განაგრძეს დევნა. პოლიციას აქვს ინფორმაცია მანქანაზეც და თავდამსხმელებზეც, თუმცა, ამ დრომდე არავინ დაუკავებია. დანაშაულიდან კი უკვე 24 საათია გასული.
კომენტარები