“ვერ გეტყვით, როგორ გაიქცნენ პატიმრები, ვერ გეტყვით ნაპოვნია თუ არა სამი გაქცეული” – იუსტიცია

სამი მსჯავრდადებული კლინიკიდან დღის 13:00 საათისთვის გაექცა ბადრაგს. თუმცა რატი ბრეგაძის უწყებას კომენტარი ამ დრომდე არ გაუკეთებია.

იუსტიციის სამინისტროს გენერალური ინსპექციის უფროსმა არ იცის სად იყვნენ საბადრაგო სამსახურის თანამშრომლები მაშინ, როდესაც პატიმრები გაიქცნენ.

ერთ-ერთი დაუდასტურებელი ინფორმაციით, პატიმრებმა ბადრაგს ცეცხლსასროლი იარაღიც წაართვეს, თუმცა ამ ფაქტს ამ დროისთვის ოფიციალურად არავინ ადასტურებს.

იუსტიციის სამინისტროს გენერალური ინსპექციის წარმომადგენლის, ზაზა ზარანდიას განცხადებით, საკითხზე მიმდინარეობს გამოძიება.

„ჯერჯერობით ვერ გეტყვით (ნაპოვნია თუ არა სამი გაქცეული). საგამოძიებო მოქმედებები ტარდება. დაზუსტებული ინფორმაცია არ მაქვს. დავადგენთ (როგორ გაიქცნენ პატიმრები), გამოძიება ამისთვის არის. ვისი ბრალეულობაც გამოიკვეთება ყველა პასუხისგებაში მიეცემა”, – განაცხადა ზაზა ზარანდიამ.

წყარო – ტვ პირველი