“ვერ ჩავადებინებთ ჯიბეში იმას, რაც არ ეკუთვნით, ბრძოლა მიდის ბოლომდე” – მამუკა ხაზარაძე

პოლიტიკოსი, “ლელოს” ლიდერი, მამუკა ხაზარაძე:

“ბრძოლა გრძელდება, ეს რაც მოვისმინეთ, ეს მანიპულაცია, რომელსაც წლების განმავლობაში ეწევა “ოცნება”, ეს არის აბსურდი. ბრძოლა გაგრძელდება ბოლომდე, თითოეული ხმის დასაცავად, ჩვენ ქართველი ხალხის ხმებს არ გავატანთ – ვერ ჩავადებინებთ ჯიბეში იმას, რაც არ ეკუთვნით, ეს არის ჩვენი მყარი პოზიცია. ყველა ჩვენ დამკვირვებელს მოვუწოდებთ, არანაირი მოდუნება, ბოლომდე ვიბრძვით თითოეული ხმისთვის. არჩევნები დამთავრდება სამართლიანად და ამ სამართლიანობის გარანტორები ვიქნებით ჩვენ.

არანაირ ქუჩაში გადანაცვლებაზე საუბარი არ არის ამ ეტაპზე, ვსაუბრობთ იმაზე, რომ თითოეული ხმა იქნეს დაცული, ყველა დარღვევაზე მივაწოდოთ ინფორმაცია პარტნიორებს, ნიკა ახლა ესაუბრება რეგიონებს. ქართული ოცნება თავად ამბობს, რომ სხვაობა არის, მისივე გამოქვეყნებული მონაცემით 0,5 ან 0,8 – ამხელა შანტაჟის და დაშინების ფონზე – ქართულმა ოცნებამ დაკარგა ლეგიტიმაცია, მაგრამ ჩვენ ვართ პასუხისმგებლიანი ხალხი და ამ ყველაფერს დოკუმენტურად ვაჩვენებთ. ბრძოლა მიდის ბოლომდე.”