“ველოდები, მე როდის მომადგებით იმის გამო, რომ ბიძინას უნივერსიტეტს კომპიუტერული მეცნიერების პროგრამის შექმნაში დავეხმარე” – ნანა დიხამინჯია

ახალგაზრდა პედაგოგთა კავშირს ვიცნობ 2018 წლიდან და ვინმე წარმატებულს თუ ვიცნობ ოზურგეთიდან, ყველა ამათი მადლიერია. გავიგე, რომ ვიღაცებს გგონიათ, რომ თურმე არაფერი არ უნდა გვეკეთებინა ქოცების გინების გარდა 13 წელი, მაგრამ ასე ქვეყანა არ ვითარდება და ჩამოდით ამ პედესტალებიდან. უმეტესობას გვიწევდა რაიმე ფორმით სახელმწიფო სტრუქტურებთან შეხება, იმიტომ კი არა, რომ პირადი სარგებელი მიგვეღო, არამედ იმიტომ, რომ საქმე გამოსულიყო. პირადი სარგებელი რომ მდომოდა, საქართველოში არც ჩამოვიდოდი და როცა ჩამოვედი, ძალიან იოლად შემეძლო, ერთ-ერთი დაფასებული ქოცი გავმხდარიყავი, იციან ქოცებმა. მაგრამ არასდროს არ შემიკავებია თავი მთავრობის კრიტიკისგან.

რამდენიმეჯერ ვითანამშრომლე მეც ახალგაზრდა პედაგოგთა კავშირთან და მართლა ძალიან მნიშვნელოვან საქმეებს აკეთებდა რეგიონში. ბოლოს 2023 წელს ვიყავი ლიდერთა სკოლაში მოსწავლეებთან შეხვედრაზე და მთავრობაც ბევრი ვაკრიტიკეთ ერთად. როცა სკოლებთან გჭირდება თანამშრომლობა, გჭირდება ადგილობრივ ხელისუფლებასთან კონტაქტი, ისე არ მოგცემენ საშუალებას. მაგრამ რეალური საქმე ვისაც არ გაუკეთებია რეგიონში, იმან არ იცის ეს ყველაფერი.

ველოდები, მე როდის მომადგებით იმის გამო, რომ ბიძინას უნივერსიტეტს კომპიუტერული მეცნიერების პროგრამის შექმნაში დავეხმარე, 2019 წელს ბათუმში მოსწავლეების ტექნოლოგიური ბანაკი, რომლის ორგანიზატორიც ვიყავი, რიჟვაძემ გახსნა (ილიაუნიმ მოიგო ჯიტას ტენდერი) და 2020 წელს ლაშხს ვაქებდი იმის გამო, რომ სილიკონის ველზე სტარტაპგრაინდზე ჩამოსული ტიპური ჩინოვნიკივით არ იქცეოდა და ბევრი იშრომა, რომ ქართული სტარტაპები კარგად წარმოეჩინა.