მედიცინის მეცნიერებათა დოქტორი, ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი, სოციალურ ქსელში, წერს:
“ბრეიქინგ ნიუსი
სანამ ერთი ამბავი ატეხილა…საყურადღებო ინფორმაცია
ამ წუთებში ნორვეგიის ტელევიზიით გამოვიდა ნორვეგიის ოსლოს უნივერსიტეტის Rikshospitalet მთავარი ექიმი, პროფესორი პალ ანდრე ჰოლმე. სწორედ აქ მკურნალობენ იმ 3 პაციენტს რომელსაც განუვითარდა სისხლთან დაკავშირებული გვერდითი მოვლენები აცრის შედეგად, რის გამოც ნორვეგიამ დროებით შეაჩერა ასტრაზენეკათი ვაქცინაცია.
როგორც მთავარმა ექიმმა განაცხადა, მათ გამოკვლევების შედეგად ისინი ვარაუდობენ რომ ვაქცინა იყო მიზეზი იმ არაორდინალური სიმპტომატიკის განვითარებისა (თრომბი და თრომბოციტების ნაკლებობა ერთდრულად) რომელიც მათ ნახეს ამ 3 შემთხვევაში. ისინი აგრძელებენ კვლევას რომ დადგინდეს რა წინაპირობებმა შეიძლება გამოიწვიოს ასეთი რეაქცია. მართლია ის უიშვიათესი შემთხვევებია, ამ რაოდენობით აცრილებში, მაგრამ ის მოხდა და შესასწავლია
შეკითხვაზე, გაგრძელდება თუ არა ვაქცინაცია ასტრაზენეკათი მთავარმა ექიმმა განაცხადა რომ ეს უკვე სახელმწიფოს გადასაწყვეტია
დაველოდოთ მოვლენების განვითარებას.”
კომენტარები