“ვაფრთხილებ ოპოზიციას, ჩვენი მხრიდან ამას მოჰყვება რეაგირება”

„ქართული ოცნების“ გენერალური მდივანი კახა კალაძე ოპოზიციური პარტიების განცხადებას გამოეხმაურა.

„მინდა, გამოვეხმაურო უპასუხისმგებლო ოპოზიციური პარტიების განცხადებას იმასთან დაკავშირებით, რომ 31-ში აქვთ სურვილი, აქციები მოაწყონ. რა თქმა უნდა, ჩვენს ქვეყანაში გამოხატვის თავისუფლება არის მაქსიმალურად დაცული.

ყველა ადამიანს, ყველა პოლიტიკურ პარტიას, ვისაც აქვს განსხვავებული მოსაზრება, აქვს შესაძლებლობა, რომ სხვადასხვა ფორმით გამოხატოს შეხედულება, მათ შორის მოაწყოს მიტინგები.

მაგრამ ეს ყველაფერი უნდა გაკეთდეს კანონის ფარგლებში. კიდევ ერთხელ მინდა, გავაფრთხილო ყველა, თუკი იქნება რაიმე გადაცდომა, თუკი იქნება რაიმე სურვილი არეულობის შემოტანისა ქვეყანაში, სახელმწიფო იქნება მოწოდების სიმაღლეზე და ჩვენი მხრიდან კანონის ფარგლებში ამას მოჰყვება შესაბამისი რეაგირება“