პირბადის ტარების რეკომენდაცია შეიცვალა. ამის შესახებ დაავადებათა კონტროლის ცენტრის დირექტორის მოადგილემ, პაატა იმნაძემ დღეს გამართულ ბრიფინგზე ისაუბრა:
„ჩვენ ვამბობდით, რომ ჯანმრთელი ადამიანისთვის ნაკლებად იყო რეკომენდებული პირბადის ტარება და ხაზს ვუსვამდით ხოლმე, რომ უნდა ატაროს ავადმყოფმა ადამიანმა.
როდესაც ჩატარდა სათანადო კვლევები შეერთებულ შტატებში, სამხრეთ კორეასა და ჩინეთში, აღმოჩნდა, რომ თუ ავადმყოფს, რომელსაც შეუმჩნეველი სიმპტომები აქვს და საზოგადოებაში გამოდის ნიღბით, 70%-ზე მეტ გარანტიას იძლევა, რომ ის ვერ გაავრცელებს ამ ინფექციას.
მაგრამ კვლევებმა აჩვენა, რომ თუ ჯანმრთელსაც უკეთია პირბადე, მაშინ დაცვა თითქმის 95%-მდე ადის. კი ბატონო, ვამბობდი, რომ ჯანმრთელებს არ გინდათ ნიღაბი, სხვათა შორის, სამედიცინო ნიღაბზე ახლაც არ ვამბობ, რომ არაა საჭიროა, საყოფაცხოვრებო სრულიად საკმარისია.“
შეგახსენებთ, კორონავირუსის გავრცელების საწყის ეტაპზე დაავადებათა კონტროლის ეროვნული ცენტრის ოფიციალური რეკომენდაცია იყო, ჯანმრთელ ადამიანს ნიღაბი არ უნდა ეტარებინა.
“ალია” – როგორც ჩანს ეს რეკომენდაცია კარგა ხანია შეიცვალა, თორემ – სხვა მხრივ როგორ ავხსნით, რომ ყველას, ჯანმრთელსაცა და ავადმყოფს ნიღბის ტარების ვალდებულება აქვს საზოგადოებრივ ადგილებში? მეტიც – ჯარიმაა ბევრ ადგილას ნიღბის არ გაკეთებაზე.
შესაბამისად, ნიღბის ტარების აუცილებლობაზე, როგორც ჩანს პაატა იმნაძისთვის დიდი ხანია ცნობილია…
კომენტარები