ვაკანსია ონლაინ კლინიკისთვის – რა მოთხოვნებს უნდა აკმაყოფილებდეს ონლაინ კლინიკის ექიმი?

აშშ-ში მცხოვრები ტელენევროლოგი, დავით მრელაშვილი:

ვაკანსია ლიცენზირებულ ექიმებზე კახეთის ონლაინ კლინიკისთვის!

საჭირო მახასიათებლები

1. მოქმედი სამედიცინო ლიცენზია

2. პულსი

3. გამოცდილება ან/და კომფორტი ბინაზე მყოფი კოვიდ-19-იანი პაციენტების მართვის, რაც პირველ რიგში გამოიხატება პოტენციურად დამძიმებადი პაციენტების დროულად ამოცნობასა და შესაფერისი რეაგირებაში, და ასევე – შედარებით მარტივ სამედიცინო კითხვებზე პასხუხით დისტანციურ რეჟიმში.

4. დილის 9-დან საღამოს 6 საათამდე დროის 80% ჰქონდეს თავისუფალი ამ სამსახურისთვის (არ აქვს მნიშვნელობა ამ დიაპაზონში რომელი 80%). პარალელურად 3 სხვა სამსახურში მუშაობა და ცალი ხელით ბრონქოსქოპიის კეთება – შეუთავსებელია (თუმცა მესმის რომ ბევრ კარგ კანდიდატს დავკარგავთ ამ კრიტერიუმით).

5. მაღალი სტანდარტების სამუშაო ეთიკა, „ხალტურშჩიკებზე“ ანაფილაქსიური რეაქცია გვაქვს (საქართველოში ამ ტერმინს ახსნა აღარ ჭირდება).

ეს უკანასკნელი კრიტერიუმი ყველაზე მნიშვნელოვანია.

სასურველია კომპიუტერის კლავიატურაზე ბეჭვდისას იყენებდეს ხელის თითების 50%-ზე მეტს, თუმცა თუ სხვა მხრივ აკმაყოფილებს მოთხოვნებს – ეს კრიტერიუმი აბსოლუტური უკუჩვენება არ არის.

დამატებით მონაცემები/ბენეფიტები

1. მუშაობა სახლიდან, ნებისმიერი რეგიონიდან ან ქვეყნიდან დისტანციურ რეჟიმში (დაშვებულია პიჟამოებში ყოფნაც და საწოლშივე ყავის სმა მუშაობის პროცესში)

2. ხელფასი – დამოკიდებულია კვალიფიკაციაზე და კანდიდატის ხარისხზე, თუმცა საკმაოდ competitive, და დიდი ალბათობით იმაზე მეტი ვიდრე მიმდინარე (გული გულობს, ქადა ორი ხელით იჭმევა, მარა ის ქადა ფული ღირს).

3. ჩემთან ერთად მუშაობა – ჩემს მიერ წლების განმავლობაში დახვეწილი ბევრი პროფესიული თვისების (და efficiency საიდუმლოებების) ლაივში ნახვა, ათვისება. მე ვფიქრობ ეს ყველაზე მეტი ბენეფიტია, მარა კაი ჯანდაბას – დამცინეთ

4. პოზიციის ხანგრძლივობა – მინიმუმ 2 თვე, ან პანდემიის ამ ტალღის „ჩაქრობამდე“, რასაც კახეთის შემთხვევაში პირობითად განვსაზღვროთ 14 დღიანი საშუალო პაციენტების რაოდენობა 100-ზე ნაკლები რომ ჩამოვა (ახლა ყოველდღიური 400+ დან 500+ მდეა)

5. პოზიციის დროზე ადრე ტერმინაცია – უსიტყვოდ ნებისმიერი მხარისგან სურვილის შემთხვევაში. ანუ მარტივად და ქართულად რომ ვთქვათ – არ მოგეწონებათ – თავისუფალი ხართ ყოველგვარი strings attached-ის გარეშე. ჩვენ არ მოგვეწონება თქვენი გაკეთებული საქმე – ასევე თავისუფალი ხართ ჯარიდან.

დაინტერესებულმა კანდიდატებმა ვინც აკმაყოფილებთ ზემოთ ხსენებულს, შემდგომი კონკრეტული დეტალებისთვის მომწერეთ მეც და ასევე კახეთის კლინიკის ერთ-ერთ ღვაწლმოსილ წევრს – Nini-ს ერთ ჯგუფურ მესიჯში ფეისბუქზე.

P.S. If you want to do something right – do it yourself!