უცხოეთიდან საქართველოში რამდენიმე დამატებითი ავიარეისი დაინიშნა

საქართველოს მთავრობა აგრძელებს საკოორდინაციო საბჭოს მიერ დაგეგმილი ავიარეისებით საქართველოს მოქალაქეების უცხოეთიდან ეტაპობრივი ჩამოყვანის პროცესს.

საკოორდინაციო საბჭოზე განისაზღვრა დამატებითი ავიარეისები შემდეგი მიმართულებით:

5.05 ათენი-თბილისი

7.05 ამსტერდამი-თბილისი

9.05 ბერლინი-თბილისი

ახლო მომავალში განხორციელდება შემდეგი ავიარეისები

22.04. ერბილი-ბათუმი

24.04. ბარსელონა-თბილისი

27.04. ვარშავა-თბილისი

30.04. მადრიდი-თბილისი

02.05. პრაღა-თბილისი

გუშინ განხორციელდა რომი-თბილისის რეისი, რომლითაც სამშობლოში დაბრუნდა 180 საქართველოს მოქალაქე, მათ შორის განსაკუთრებული საჭიროების მქონე პირები, მძიმე ქრონიკული დაავადების მქონე მოქალაქეები, სტუდენტები, არასრულწლოვანი ბავშვები, მეზღვაურები და სხვა.

საკოორდინაციო საბჭოსთან განსაზღვრული ავიარეისების ფარგლებში, სამშობლოში უკვე შესრულდა რეისები ევროპის სხვადასხვა ქალაქებიდან, მათ შორის ვარშავადან, ბერლინიდან, ვენიდან, ლონდონიდან, ათენიდან, აშშ-დან, ლარნაკადან, ამსტერდამიდან, პეკინიდან, რომიდან, პარიზიდან, თელ-ავივიდან და ა.შ., რომლებითაც სამშობლოში დაბრუნდნენ როგორც ამ ქალაქებში მყოფი თანამემამულეები, ასევე მსოფლიოს სხვადასხვა ქვეყნებში მყოფი ქართველები.