„რეჟიმში ჩვენ ვიცხოვრეთ და მას ჰყავდა თვითმხილველები. ის თვითმხილველები დღეს არიან ცოცხლები, ბევრი აღარ არის. რეჟიმს ჰყავდა მსხვერპლი,“- განაცხადა ჟურნალისტმა თამარ ცაგარეიშვილმა „ტვ იმედის“ ეთერში, გადაცემაში „იმედი LIVE.“
ასე ჟურნალისტი იმ ადამიანებს გამოეხმაურა, რომლებიც დღევანდელი ხელისუფლების მმართველობას რეჟიმად მოიხსენიებს.
„მინდა ძალიან ვთხოვო ყველას, ვისაც ადამიანობა და ჰუმანისტური იდეები რამედ უღირს, რომ სიტყვა რეჟიმს დღევანდელობასთან მიმართებაში ნურასდროს ნუ გამოიყენებენ. ჩვენ შეიძლება გვქონდეს განსხვავებული პოლიტიკური შეხედულებები, მაგრამ გავუფრთხილდეთ სიტყვა – რეჟიმს,“- აღნიშნა ცაგარეიშვილმა.
ჟურნალისტმა ემოციურად გაიხსენა მიხეილ სააკაშვილის მმართველობის მსხვერპლი ადამიანები და განაცხადა, რომ ეს დღე, როცა რუსთაველზე წინა ხელისუფლების მხარდამჭერები შეიკრიბნენ, მისთვის აუტანლად მძიმეა.
„დღეს იცით, რატომ არის ჩემთვის აუტანლად მძიმე დღე? დღეს დავინახე, რომ ჩემი თანამემამულეები შემოიჭრნენ ჩემს ცხოვრებაში და მითხრეს, რომ შენ ხარ ბრმა, ყრუ და არ გაქვს მეხსიერება. შენ არ გახსოვს, არაფერი არ იცი. ის არ იყო რეჟიმი, ის იყო აღმშენებლობა.
ამას მეუბნებიან ადამიანები, რომლებსაც უნდათ, რომ მე იმ რეჟიმის სიმბოლო, ნიკა კვინტრაძე დავივიწყო – მოკლული ადამიანი, სახურავზე შემოგდებული. ეს არაა ფიზიკური განადგურება, ეს არ არის უბრალოდ მოკვლა, ესაა მისი ღირსების შელახვა,“- განაცხადა თამარ ცაგარეიშვილმა.
კომენტარები