უკრაინის პრეზიდენტმა ცეცხლის შეწყვეტის რეჟიმი გამოაცხადა. გადაწყვეტილება რუსეთის მიერ 8-9 მაისს ცეცხლის ცალმხრივად შეწყვეტის წინადადებაზე საპასუხო ნაბიჯია.
ვოლოდიმირ ზელენსკი წერს, რომ ადამიანის სიცოცხლე გაცილებით დიდი ღირებულებაა, ვიდრე ნებისმიერი წლისთავის აღნიშვნა. მისივე განმარტებით, რუსეთის ხელისუფლებას ცეცხლის შეწყვეტის პირობებთან დაკავშირებით უკრაინისთვის ოფიციალურად არ მიუმართავს. პრეზიდენტის განცხადებით, კიევი სარკისებური პრინციპით იმოქმედებს.
ზელენსკი მიიჩნევს, რომ რუსეთის ხელმძღვანელობამ ომის დასასრულებლად რეალური ნაბიჯები უნდა გადადგას, მით უმეტეს, თუ რუსეთის თავდაცვის სამინისტრო ფიქრობს, რომ მოსკოვში აღლუმის ჩატარება უკრაინის კეთილი ნების გარეშე შეუძლებელია.
კომენტარები