“დროას” ლიდერი, ელენე ხოშტარია, აქვეყნებს ფოტოებს და წერს:
“როგორც დაგპირდით, უკრაინის ომიდან ჩამოსული არცერთი ადამიანი არ დაგვიტოვებია ღია ცის ქვეშ და ეს შესაძლებელი გახადეთ თქვენ, საქართველოს მოქალაქეებმა, ქართველმა ემიგრანტებმა, ბიზნესმენებმა.
• გუშინ დილიდან ამ დროისთვის დავაბინავეთ 231 უკრაინელი, მათი რიცხვი ყოველწამიერად იზრდება
• ჯამში შეგროვდა 46 000 ლარი
• უკრაინელებს საკუთარი სახლი და ბინა შესთავაზა 38-მა ადამიანმა
• ტრანსპორტირებაში საკუთარი მანქანის გამოყენება შემოგვთავაზა 15-მა ადამიანმა
თბილისსა და აჭარაში ჯამში 14 სასტუმროში გადავანაწილეთ უკრაინიდან დევნილი ის ოჯახები, რომლებიც სახელმწიფომ ქუჩაში დატოვა. მათი ამ სასტუმროებში დარჩენის 1 დღის ხარჯი, ამ დროისთვის, 2880 ლარს წარმოადგენს.
უნდა ვიცოდეთ, რომ იმ უკრაინელების უმრავლესობას, ვინც საქართველოში რჩება, არ აქვს შესაძლებლობა წავიდეს სხვა ქვეყანაში. არიან ბავშვები, მოხუცები, სპეციალური საჭიროების მქონე ადამიანები, დაჭრილები, ქრონიკული დაავადებების მქონე ადამიანები.
თქვენგან გადმორიცხული ფულით კრიზისულ პერიოდს დავძლევთ, თუმცა გვესმის, რომ ომს გამოქცეული ხალხის პრობლემები გრძელვადიან გადაწყვეტას საჭიროებს. ვიცით, რა უნდა იყოს შემდეგი ნაბიჯები. სწორედ ამიტომ, „დროას“ კომუნიკაცია აქვს საერთაშორისო ორგანიზაციებთან თუ ფონდებთან, საელჩოებთან, ბიზნესმენებთან და უკრაინის მთავრობის წარმომადგენლებთან.
რუსეთის მიერ დაწყებული ომი უკრაინაში ჯერ არ დამთავრებულა. არც საქართველოში საკუთარი სიცოცხლის გადასარჩენად ჩამოსული უკრაინელების ნაკადი არ შეწყვეტილა.
თუ გსურს მათი დახმარება, შეგიძლია:
1. გადარიცხო თანხა „დროას“ ფონდში:
ანგარიშის ნომერი: #GE12BG0000000533362563
მიმღები: ააიპ “მოძრაობა დროა”
#უკრაინელებისთვის
2. დაეხმარო ტრანსპორტირებაში საკუთარი მანქანით
3. დაუთმო საცხოვრებელი ფართი
4. დაეხმარო სოციალიზაციაში. მაგალითად, უკრაინელი ბავშვებისთვის სხვადასხვა ღონისძიების დაგეგმვა და ა.შ.
#დიდებაუკრაინას #დიდებაგმირებს #დიდებაქართველხალხს”
კომენტარები