ფოტო – რადიო თავისუფლება
რადიო თავისუფლების ინფორმაციით, უკრაინიდან დევნილ ქალს აჭარაში, კვარიათის ცენტრალურ საავტომობილო გზაზე ავტომანქანა დაეჯახა. 45 წლის ქალი, რომელსაც სასწრაფო სამედიცინო დახმარების ბრიგადის წინასწარი შეფასებით, თავის ქალის ტრავმა აქვს, ბათუმის ერთ-ერთ კლინიკაში გადაიყვანეს. ავტოსაგზაო შემთხვევა მოხდა სასტუმროსთან, სადაც დაშავებული უკრაინელი ქალი დედასთან ერთად, დროებით ცხოვრობს.
შემთხვევას შეესწრო რადიო თავისუფლების კორესპონდენტი. მისი ინფორმაციით, ავტობუსიდან ჩამოსული ქალი კვარიათის ცენტრალურ გზაზე გადადიოდა, რა დროსაც მსუბუქი ავტომობილი ავტობუსისთვის გვერდის ასავლელად საპირისპირო მონაკვეთზე გადავიდა და ქალს დაეჯახა. შემთხვევეის ადგილზე პოლიციელები მუშაობენ.
კომენტარები