უკრაინაში პუტინის აგრესიის წინააღმდეგ ბრძოლაში კიდევ ერთი ქართველი გმირი დაიღუპა. სამხედრო, რომლის იდენტიფიცირებაც ამ ეტაპზე შეგნებულად არ ხდება, დონეცკის ოლქში იბრძოდა.
ჯარისკაცი ერთ-ერთ ყველაზე ცხელ წერტილში, ქალაქ კრამატორსკში მიმდინარე შეტაკებებისას მძიმედ დაიჭრა და მისი გადარჩენა ვეღარ შეძლეს.
გარდა ამისა, უკრაინაში მყოფი მებრძოლების ცნობით, 25 აგვისტოს, შეტაკებებისას დაიჭრა კიდევ 4 ქართველი ჯარისკაცი, რომლებიც სხვა დანაყოფის შემადგენლობაში იბრძოდნენ. დაიღუპა მათთან ერთად მებრძოლი აზერბაიჯანის მოქალაქე.
კომენტარები