ბლოგერი, ლევან ყურაშვილი:
“ნაცისტებმა ომი დაიწყეს ბავშვური ილუზიით, რომ ისინი დაბომბავდნენ ყველას, მათ კი ვერავინ დაბომბავდა.
როტერდამში, ლონდონში, ვარშავაში და 50-მდე სხვა ქალაქში, ამ გულუბრყვილო თეორიას ხორცი შეასხეს.
მათ დათესეს ქარი და ახლა მოიმკიან ქარიშხალს” – © არტურ ჰარისი.
გენერალი ჰარისი, მეტსახელად “ბომბერი”, ბრიტანეთის სამეფო საჰაერო ძალების ბომბდამშენთა პოლკს მეთაურობდა და ეს განცხადება 1942 წელს გააკეთა. მას შემდეგ, რაც კიოლნს 1000-მდე ბომბდამშენმა 35 000 ტონა ბომბი ესროლა და 20 000-ზე მეტი ადამიანი მოკლა.
მანამდე, თითქმის სამი წელი, გერმანული ავიაცია პრაქტიკულად დაუსჯელად დანავარდობდა ევროპული ქალაქების თავზე და მათ მიწასთან ასწორებდა, ხოლო მოკავშირეები მხოლოდ მინიმალური ზიანის მიყენებას ახერხებდნენ.
კიოლნი იყო მხოლოდ დასაწყისი, რომელსაც მოჰყვა ჰამბრუგი, დრეზდენი და თითქმის ყველა დიდი გერმანული ქალაქი.
ჯამში, დაბომბვების შედეგად, ნახევარ მილიონზე მეტი მშვიდობიანი გერმანელი დაიღუპა, ხოლო ქალაქებისგან ნანგრევებიღა დარჩა.
დღეს, მთელი დღეა უკრაინული არტილერია რუსულ ქალაქ შებეკინოს მიწასთან ასწორებს.
მანამ იყო მოსკოვზე მიფრენა და გრაივორონის რეიდი.
ხარკოვის, ხერსონის, ნიკოლაევის, იზიუმის, ბახმუტის, ლისიჩანსკის, სევეროდონეცკის, პოპასნას, მარინკის და ასობით სხვა უკრაინული ქალაქის მიწასთან გასწორება რუსებს უბრალოდ არ შერჩებათ.
ეს არაა ერთჯერადი აქცია.
უკრაინა გააგრძელებს რუსული ქალაქების “მარიუპოლიზაციას” იქამდე, სანამ ბოლო რუსი არ გაიქცევა მისი ტერიტორიიდან. და შეიძლება გააგრძელოს ამის შემდეგაც.
მანამ, სანამ რუსები არ შეეხვეწებიან მშვიდობას, ნებისმიერი პირობებით.
ყველა ჯერზე, რუსული ქალაქების ნგრევის მასშტაბი და უკრაინის საზღვრიდან ამ ქალაქებამდე მანძილი მხოლოდ გაიზრდება.
ომი ცალკარა თამაში არაა. როცა ისვრი, უნდა იცოდე, რომ საპასუხოდ შენც გესვრიან.
რუსებს ეს მარტივი ჭეშმარიტება დაავიწყდათ და უკრაინელები გაახსენებენ ისე საფუძვლიანად, რომ მომდევნო ბევრი ათეული წელი არ დაავიწყდეთ.”
კომენტარები