ახალ კანონს “ოცნება” დაჩქარებული წესით იღებს. პირველი მოსმენით, სადავო კანონპროექტი პარლამენტმა გუშინ მოულოდნელად მიიღო. დღეს კი სიძულვილის ენის წინააღმდეგ ბრძოლით შეფუთულ პროექტში ახალი ჩანაწერი გაჩნდა. ანუ, კრიტიკულ მედიას შესაძლოა, ჯარიმა “უხამსობის” გამოც გამოუწერონ. უფრო კონკრეტულად, ჩნდება ბერკეტი, რომ მედიაში გასული ნებისმიერი მასალა უხამსად გამოაცხადოს.
რას ცვლის ხელისუფლება? – თუ მაგალითად რომელიმე აქციის დროს, სახელ ირაკლის ვინმე ასოთა შეცვლით დაიტანს საპროტესტო ბანერზე და ამას ვინმე უხამსობად აღიქვამს, როგორც ეს უკვე მოხდა არაერთხელ და დააკავეს და დააჯაარიმეს არაერთი ადამიანი, და ასეთი ბანერი მოხვდება ტელეეკრანზე, ეს დარღვევად ჩაითვლება და ტელევიზია დაჯარიმდება. კანონის ავტორები, არ საუბრობენ იმაზე, პარლამენტის სხდომებიდან უხამსი სიტყვების გაშუქებისას როგორ უნდა მოიქცეს მაუწყებენელი.
წინასაარჩევნოდ კანონის შეცვლას განსაკუთრებით მედია ექსპერტები აკრიტიკებენ და ამბობენ, რომ ხელისუფლებას კრიტიკული მედიის საბოლოოდ “მოგუდვა” უნდა.
საქართველოს ჟურნალისტური ეთიკის ქარტიის საბჭოს თავმჯდომარის, ხატია ღოღობერიძე:
“კრიტიკული მედიის რეგულირება საფრთხეა, მოქალაქეები ამის შედეგად მიიღებენ მხოლოდ იმ ინფორმაციას, რომლებიც ამ თუ იმ ხელისუფლებას მოესურვება. უხამსობის რეგულირება განსაკუთრებით საფრთხილოა და საფრთხეა, რადგან ეს არის ზოგადი ცნება და ძალიან ბევრი რამ შეიძლება მოექცეს ამის ფარგლებში და ძალიან ბევრი მედია დაზარალდეს შედეგად, თუ გავითვალისწინებთ მედია ლანდშაფტს ისედაც კრიტიკული ვითარებაა, მათ შორის კრიტიკული მედიის შემთხვევაში, ვგულისხმობ ფინანსებს და დაჯარიმება მარეგულირებლის მხრიდან აისახება მათ მუშაობაზე და იქნება ძალიან სახიფათო და შეიძლება მოჰყვეს შეჩერება კონკრეტული მედიების”,
მედიის განვითარების ფონდის აღმასრულებელი დირექტორი, თამარ კინწურაშვილი:
შეიძლება ზოგიერთი მწვავე გამოხატვა პოლიტიკური მნიშვნელობის იყოს იმიტომ, რომ მიიპყროს საზოგადოების ყურადღება ეს ნიშნავს, რომ მათი მიზანი არის შეზღუდონ კრიტიკული აზრი და შეუქმნან პრობლემები ამ თვალსაზრისით და ამას აკეთებენ ევროინტეგრაციის ეგიდით, სადაც სრულად განსხვავებული პრაქტიკა არის ამ ნორმების ინტერპრეტაციის”.
პარლამენტმა „მაუწყებლის შესახებ“ კანონში ცვლილების შეტანის თაობაზე კანონპროექტი პირველი მოსმენით, 79 ხმით 4-ის წინააღმდეგ, მიიღო.
წყარო – ტვ პირველი
კომენტარები