დეპუტატი, იაგო ხვიჩია, გიგი უგულავას ინიციატივას ეხმაურება და ამბობს:
„ჩვენი იდეა შეუთავსებელი იქნება „ნაციონალური მოძრაობის“ ქოლგასთან, ეს იცის ბატონმა უგულავამაც, ბატონმა სააკაშვილმაც. ამიტომ, დარწმუნებული ვარ, ჩვენ არ ვიგულისხმებით. მათ იგულისხმეს ის ოპოზიცია, რომელთანაც ამ არჩევნებზე თანამშრომლობდნენ და მგონი, ქოლგაში უკვე იყვნენ. ამიტომ ახალი ქოლგის გამოგონება რა საჭიროა, არ ვიცი, მაგრამ ახალი იქნება, თუ ძველი, მე და ჩემი პარტია არ გავერთიანდებით.
რატომ ლაპარაკობენ ამაზე, როგორც მომავალზე, ეს ხომ აწმყოშია, ხომ უკვე გაერთიანდა ამ არჩევნებისთვის „ნაცმოძრაობის“ ქოლგის ქვეშ ოპოზიცია. მგონი, ჯერჯერობით დაშლის შესახებაც არ გამოუცხადებიათ და ამ ქოლგაში არიან ახლაც. ვფიქრობ, ამ ქოლგამ სათანადოდ ვერ იმუშავა და ამის თავიდან დაწყება ჩემთვის ცოტა გაუგებარია. მგონი, არც თვითონ მოიაზრებენ „გირჩს“ ამაში და არც „გირჩი“ მოიაზრებს საკუთარ თავს.
ჩვენ არ ვუყვარვართ, რადგან არ ვართ მარტივი საურთიერთო ხალხი, მათ იციან, კითხვებს ვსვამთ ხშირ-ხშირად და არ გამოდის მერე ის, რაც ხშირად თავიდან ჩაფიქრებულია. აქედან გამომდინარე, მგონია, რომ არც მე მომიაზრებენ ისინი და არც მე მოვიაზრებ მათ კოალიციურ ბრძოლაში“
კომენტარები