ბრიტანულმა კომპანია SAVANTA-მ ტელეკომპანია “მთავარი არხისთვის” “მედიის თავისუფლების ფონდის” დაკვეთით საზოგადოებრივი გამოკითხვა ჩაატარა.
კითხვაზე, თქვენს მიერ დასახელებული პარტია რომ არ მონაწილეობდეს არჩევნებში, ვის მისცემდით ხმას? პასუხები ასე გადანაწილდა:
- “კოალიცია ცვლილებისთვის” – 11%
- „ერთიანობა – ნაციონალური მოძრაობა“ – 10%
- “ძლიერი საქართველო” – 8%
- “გახარია – საქართველოსთვის” – 7%
- “საქართველოს პატრიოტთა ალიანსი” – 5%
- „ქართული ოცნება“ – „ხალხის ძალა“ – 4%
- „გირჩი“ – 3%
- „საქართველოს ლეიბორისტული პარტია“ – 2%
- სხვა – 3%
- არ ვიცი – 8%
- უარი პასუხზე – 39%
გამოკითხვა ჩატარდა პირისპირ ინტერვიუს მეთოდით საქართველოს მთელ ტერიტორიაზე გარდა ოკუპირებული ტერიტორიებისა. სტრატიფიცირებული შემთხვევითი შერჩევის პრინციპით გამოიკითხა ხმის უფლების მქონე (18 წლის და მეტი ასაკის) 1561 ადამიანი.
კვლევა ეფუძნება ყველა გამოკითხულის აზრს. კვლევის ცდომილების ფარგლები შეადგენს + -2,48%-ს, 95%-იანი სანდოობით.
იმ რესპონდენტთა რაოდენობა, ვინც უარი განაცხადა კვლევაში მონაწილეობაზე, არ გასცეს კითხვებზე პასუხი, ან ვერ მოხერხდა გამოკითხვა, შეადგენს 22%-ს, შესაბამისად გამოპასუხების სიხშირე არის 78% (1561 ადამიანი).
საველე სამუშაოები ჩატარდა 2024 წლის 29 სექტემბრიდან 8 ოქტომბრამდე შუალედში.
ცდომილების ფარგლები – 2,48%.
ფაქტორები, რომელთაც შესაძლოა მნიშვნელოვანი გავლენა მოეხდინა კვლევის შედეგებზე, არ დაფიქსირებულა.
კომენტარები