ცოტა ხნის წინ, “პირველების” ოპერატორს, სერგი ბარამიძეს გდდ-ს ხელმძღვანელის, ზვიად ხარაზიშვილის, იგივე “ხარებას” წარმომადგენლები დაუპირისპირდნენ. ადგილი ჰქონდა დაპირისპირების სამ ეპიზოდს.
ძალოვანები გადამღებ ჯგუფს სამსახურეობრივი მოვალეობის შესრულების შესაძლებლობას და გადაღების უფლებას არ აძლევდნენ, ასევე ცდილობდნენ სამაუწყებლო ტექნიკის დაზიანებასაც.
“ტვ პირველის” გადამღები ჯგუფი განსაკუთრებულ დავალებათა დეპარტამენტის შენობასთან იმის გასარკვევად მივიდა, “სად არის “ხარება” და შეეხო თუ არა მას საკადრო ცვლილებები, რომელიც შინაგან საქმეთა სამინისტროში გელა გელაძის მისვლის შემდეგ განხორციელდა.
როგორც “ტვ პირველი” აცხადებს, მისი გადამღები ჯგუფი გდდ-ს ბაზაზე არ იმყოფებოდა, ისინი გარე პერიმეტრზე იღებდნენ კადრებს.
კომენტარები