წუხელ სიტუაცია უკონტროლო გახდა. გადაწვეს ქუჩები… – რას ყვებიან ისრაელში მცხოვრები ქართველები

ისრაელში არსებულ სიტუაციაზე იქ მცხოვრები ქართველები საუბრობენ.

ქალაქ ლოდში მცხოვრები ქართველის, ელგა ბუჩუკურის ინფორმაციით,   ქალაქში სიტუაციას ჯარი აკონტროლებს, საქართველოს საელჩო კი მათ სახლში დარჩენისკენ მოუწოდებს.

“მე ვიმყოფები ქალაქ ლოდში. ჩვენთან შედარებით რთული სიტუაცია იყო გუშინდელი დღის განმავლობაში და წუხელ. თუ არ გავითვალისწინებთ იმას, რომ პალესტინიდან ინტენსიურად იბომბებოდა მთელი ქვეყანა, თვითონ ლოდშიც საკმაოდ დიდი არეულობა იყო.

შეტაკება იყო არაბ მოსახლეობასა და ადგილობრივ პოლიციას შორის. სიტუაცია უკონტროლო გახდა. დაიწვა მანქანები გადაწვეს ქუჩები. ძლიან უკონტროლო იყო სიტუაცია.

შემდგომ გამოიძახეს ჯარი, ახლა ქალაქში სიტუაციას ჯარი აკონტროლებს. ამბობენ, რომ ქალაქში არ გავიდეთ, საელჩო მოგვიწოდებს, რომ დავრჩეთ სახლში, ვიყოთ დაზღვეულები.

ჩვენ მოხუცებთან ვმუშაობთ და ისედაც არ გავდივართ ქალაქში, მაგრამ მაინც გვაფრთხილებს საელჩო. ხან ბუნკერებში ვართ ხან დამცავ ოთახებში ვართ”,- თქვა ელგა ბუჩუკურმა.

დაძაბული ვითარება იყო   თელ ავივთან ახლოს მდებარე ქალაქშიც.  იქ მყოფი ქართველი  ამბობს, რომ ქალაქში შეტაკებები 10 საათიდან დაიწყო და გვიან ღამით კვლავ განახლდა. მისივე თქმით, ამ დროისთვის სიტუაცია ჩაწყანრებულია.

“მე ვარ ქალაქ პართიანში, ეს თელ ავივთან ახლო მდებარე ქალაქია. წუხელ ღამის 10 საათზე განგაშის სიგნალი ჩაირთო, განგაშის სიგნალიდან უკვე 30 წამში გასაუვნებელყოფელი რკინის გუმბათის გაშვება ხდება და ჰაერში ამ ბომბებს იჭერს. სადღაც 150 ჭურვამდე იყო გამოშვებული.

12 საათზე ყველაფერი ჩაწყნარდა, სადღაც 3-ის ნახევრიდან ისევ განახლდა. მთელი ღამე არ გვიძინია. თუკი რამე ტერიტორია არსებობს ისრაელში ყველგან უშვებდნენ ამ რაკეტებს, ამ დილით ჩაწყნარებულია სიტუაცია”,- თქვა ნინო მათურელმა.

წყარო – cyc.ge