ცოტნე გამსახურდიას მეუღლე სავარაუდოდ დღეს საღამოს მოინახულებს. ამის შესახებ „პრაიმტაიმს“ მისმა ადვოკატმა განუცხადა. ჯაბა კვარაცხელიას თქმით, ანა ჯაბაურმა კლინიკის ადმინისტრაციიდან მიიღო თანხმობა მეუღლის მონახულების შესახებ, თუმცა შეასრულებდა თუ არა პირობა, საღამოს გახდება ცნობილი.
„ქალბატონ ანა ჯაბაურს ჰოსპიტალის ადმინისტრაციასთან ჰქონდა შეხვედრა. მათგან მიიღო ინფორმაცია, რომ იურიდიული პრობლემა არ არსებობს, რომელიც ხელს შეუშლის მეუღლის მონახულებაში. დღეს საღამოს, როგორც კი დაიწყება პაცინტების მონახულების საათები, მას მისცემენ ცოტნეს მონახულების საშუალებას. ახლა ველოდებით დათქმულ დროს, ვნახოთ შეასრულებს თუ არა ჰოსპიტალი თავის პირობას.”
შეგახსენებთ საქართველოს პირველი პრეზიდენტის შვილის, ცოტნე გამსახურდიას მეუღლის, ადვოკატის განცხადებით ანა ჯაბაურს არ ეძლევა საშუალება, ცოტნე გამსახურდია მოინახულოს და მისი ჯანმრთელობის შესახებ მიიღოს დეტალური ინფორმაცია.
ადვოკატი გამოთქვამდა საფუძვლიან ეჭვს იმის შესახებ, რომ საქართველოს პრეზიდენტმა სალომე ზურაბიშვილმა, საქართველოს პირველი პრეზიდენტის მეუღლის, მანანა არჩვაძის თხოვნის საფუძველზე სტამბულის კლინიკაში გააგზავნა წერილი, რომლის მიხედვითაც ანა ჯაბაურს ეკრძალება, თავისი მეუღლის მონახულება.
კომენტარები