წნორში, მოხუცთა თავშესაფრის ერთ-ერთ ბენეფიციარს, 79 წლის მამაკაცს კორონავირუსი დაუდასტურდა. აღნიშნულის შესახებ მოხუცთა თავშესაფრის დირექტორმა, ილია დემეტრაშვილმა განაცხადა.
როგორც დემეტრაშვილი განმარტავს, მოხუცს ვირუსისთვის დამახასიათებელი არანაირი სიმპტომი არ აღენიშნება.
„გეგმური შემოწმების დროს, ერთ-ერთ ბენეფიციარს დაუდგინდა კორონავირუსი, ის შესაბამის დაწესებულებაში იქნა გადაყვანილი, ჩვენთან კი, კარანტინია გამოცხადებული.
ამჟამად, ჩივილები, ტემპერატურა არ აქვს, გეგმურად რომ არ შემოწმებულიყო, ვერც დავეჭვდებოდით”, – განაცხადა დემეტრაშვილმა.
„რეზონანსი“
კომენტარები