წნორში, აცრის შემდეგ, ექიმი გარდაიცვალა? – “მეორე დოზით ვაქცინაცია ვერ მოასწრო, ონკოპაციენტი იყო…”

სააგენტო “pia”-ს ინფორმაციით, წნორში კორონავირუსის საწინააღმდეგო ვაქცინაციის შემდეგ ექიმი, ნ. ხ. გარდაიცვალა.

დაავადებათა კონტროლის ცენტრის თქმით, მათ ამ ეტაპზე, მსგავსი ინფორმაცია არ გააჩნიათ.

დამატებითი დეტალები როგორც კი გახდება ცნობილი, ინფორმაციას აქვე გავაახლებთ.

განახლება:

მოგვიანებით, სააგენტო “pia”-მ დააკორექტირა ტექსტი და დაწერა:

“არსებული ინფორმაციით, 60 წლამდე ქალი, რომელიც ერთი დოზით იყო აცრილი, კორონავირუსით ინფიცირდა. მან ინფიცირებამდე მეორე დოზით ვაქცინაცია ვერ მოასწრო. ასევე, გავრცელებული ინფორმაციით, ქალი სიმსივნით იყო დაავადებული.”