ყოფილი პარლამენტარი, ირაკლი მელაშვილი, შსს-ს იმ განცხადებას ეხმაურება, რომლის მიხედვითაც, ნიკა მელია, რომელსაც, ადვოკატების და თანაგუნდელების თქმით, წინასწარ მომზადებული გუნდი დახვდა დასაჭერად, ადმინისტრაციული მუხლით დააკავეს და წერს:
ახლა იმის მტკიცებას დაგვიწყებთ, თითქოს წინასწარ იცოდით, რომ ნიკა მელია შეგაგინებდათ და ამისთვის გყავდათ მობილიზებული სწორედ ამ ადგილას 100 პოლიციელი?
იცით, ყველაზე დიდი დამნაშავეები და ნაძირლები რომლები ხართ? ვინც საკუთარი სიჩუმით მხარს უჭერთ ასეთ უკანონობას და საკუთარ პოზიციას და/ან პოზიციის არქონას ნიკა მელიას “ნაცობით” ამართლებთ!
ასეთებისთვის რამის ახსნას აზრი არ აქვს! თქვენ ხართ სულიერი მემკვიდრეები იმ ხალხის, ვინც 30-იან წლებში მასობრივ რეპრესიებს ტაშს უკრავდნენ, ქვეყნის თავისუფლებისთვის მებრძოლ ქართველ დისიდენტებზე დანოსებს წერდნენ, ამავე დროს საქართველოს სიყვარულს ფიცულობდნენ, საბჭოთა ხელისუფლების ყველა უმსგავსობას სოციალისტური სამშობლოს დაცვით, საბჭოთა პატრიოტიზმით და დასავლეთის იმპერიალისტურ ძალებთან ბრძოლით ამართლებდნენ! აი, ეს ხალხი ხართ თქვენ, ქართველო “Homo Sovetikus”-ებო!
კომენტარები